情人節的蘿蔔糕

澄爸返工去，

留下兩位小情人協助澄媽整愛心蘿蔔糕^^

兩個女都熱切期待~~

任何一個步驟都絕不馬虎，又不肯假手於人

首先係刮蘿蔔皮

跟住一個負責剪冬菇粒，

一個負責整瑤柱絲。

跟住就係刮蘿蔔絲

兩個女都好努力～～

還有一段小插曲～～

暟澄一邊刮一邊問子澄刮左幾多舊，

我個心一直諗住佢地刮幾刮就覺得辛苦走人去了！

點知竟然刮到最後一舊，

眼見子澄刮完，將最後一舊給子澄時，

暟澄竟然喊住話：果舊係我架！我刮左12舊喳，

家姐刮左13舊呀！佢刮咁多！！嗚喊。。。。。。。

OKOK, 咁比返呢舊暟澄啦~~

又輪到子澄坐喺度喊：哎。。。。。咁我坐喺度做咩喎！！

我無野做啦＠＠嗚喊。。。。。。。。

真係唔知好嬲定好少＠＠

我又真係未見過小朋友可以咁貫切始終刮咁多蘿蔔蓉＠＠

仲要喊住想做＠＠前所未聞囉。。。

其實。。。佢地刮的數量不相伯仲啦！！＠＠

跟住係量粘米粉及粟粉的份量

兩個女都好小心翼翼，認為自己可以做到的 

之後要預備粘米漿糊～～

其實每一個步驟都有野學，有野玩又有技巧！

搞左大半日，休息下，食件蘋果再唻過～～

已預備好材料啦～～

跟住係炒香餸菜

以後係煮蘿蔔蓉

什麼時候搞掂，什麼時候落調味料她們都已略知一二

再將材料放入蘿蔔蓉

加埋粘米漿，有個蘿蔔糕模樣啦！！

蒸之前

蒸之後！！兩個女都急不及待試食，正！！