俄羅斯展覽+BUFFET 生日團拜

呢個展覽想睇好耐架啦~~

3月中就會完了!!

次次想去歷史博物館之際，又比SEASA捉左去科學館~~

今日總算堅持行一轉先去科學館^^

不過在場唔可以映相，只可以喺網上搵Ｄ相同大家分享～～

最愛的原來係俄羅斯的油畫，像真度與映相無異！

很美很美～～

跟住回家休息一下，

夜晚又出動去參加自己的生日會＋亞公團拜活動～～

今日被安排去九龍富豪酒店食BUFFET~~

最開心的一定係我兩個小魔怪~~

見到美味的食物＋朱古力噴泉＋多款雪糕，

真係由頭帶到落尾～～

問佢地最鐘意食咩：雪糕

咁最鐘意食邊款味的雪糕呀？未試哂呀！試哂先話你知:P

食飽後又可以收利是，又可以同朋友仔玩遊戲

有我名字的羊仔生日蛋糕^^

必映的家庭合照!!

同埋全體合照呢^^

大人細路都過左一個開心的晚上

新年餘慶

今年澄爸爸有幸放足七日假，

所以真係陪足一家七日～～

仲駕車帶我地周圍去，真係一家都好開心～～

初四第一站，去左沙田圍食野，

仲碰巧見到由加拿大回港的朋友呢～～

跟住就去左隔離車公廟，感受一下中國傳統的新年氣氛

玩既野一不離二，二不離三，

我地轉個頭又去左林村許願樹，

寫下今年的新年願望～～

子澄好醒目，寫左句中文祝賀說話後，

改寫左句英文：ALL WISH COME TRUE....

還記得真正的許願樹係倒塌之前，

我同老公都唻過一次，就是2004年2月3日，我生日的日子，

那年許願樹過年後倒塌了！

現在見到的係一棵假樹，還有假橙～～

一切感覺都變得虛假商業化～～

無計啦，人多了，樹紅了！村旺了！

個個都係想搵多Ｄ錢啫～～^^

這一拋，就讓小孩同樣感受這種新年氣氛^^

子澄拋兩次就中了!

我個意志堅毅的暟澄，當然會拋到中為止啦^^

有些遊人拋不中的，就將假橙沿途掛上！

還要坐底食碗山水豆腐呢～～

這是初六的活動，兩女要求去溜冰，

今日又一大進步，懂得急停及略懂後溜了！

兩女有私人教練爸爸教，佢地都覺得好榮幸^^

子澄仲話好多人搵爸爸教溜冰呢^^

初四好友聚會日

一年一度，約好友團拜的日子終於來臨～～

今次去Bertha 家玩，好多小朋友玩具呀！

還有BERTHA 老公負責煎糕點

唔駛自己親手煎糕的感覺真幸福^^

TRACY 這一家，有個聰明美麗的可人兒^^

不過，今日驚覺，子澄已步入小童期，

對BB，對玩具都開始無興趣，

無無聊仲走去幫手執玩具～～

所以，趕頭趕命還走去佐敦谷JOIN 返子澄的同學仔一齊玩，

子澄即刻成個生猛返哂^^

暟澄初時未同子澄同學仔熟絡，

自己走去公園玩～～

熟左啦，當然要一齊玩啦～～

兩袖清風咁JOIN 埋一齊野餐，太趕了：Ｐ

真係唔好意思^^

子澄係一隻猴子~~

佢朋友驚訝地走唻問我: 點解子澄玩攀登架咁叻既?

撓個圈也可以呀!!

我都係答:因為佢係猴子麻~~:P

朋友叫子澄教佢跑步~~子澄好爽咁答左句:好呀, 跟我唻呀...

跟住就成支箭咁跑左去~~

佢朋友沒好氣咁走到我面前，我問佢唔係跟子澄學跑步咩？

朋友答：子澄都唔係教我既，佢自己跑左去囉～～

哈哈。。。係既。。。跑步既野。。。真係唔知點教好:P

同學家長映的相，很美很自然

最後唻個大合照先

子澄帶住獅頭映相，同學仔都好奇望下佢～～

咁又過左愉快的一天

麻麻６１歲大壽

今天係９９的６１歲大壽，

我用左頗多時間去安排呢個壽宴，

新年麻，酒樓真係好貴好爆～～

不過一生人一次的６１歲大壽，

都希望幫９９做得好好體體^^

這裡環境也不差啦~~

大人打麻雀，細路玩啤牌

玩４級豬～～玩得好開心^^

這晚還有其他親友的生日安排

好熱鬧呢^^