MAKER FAIRE HK & G1 BIRTHDAY PARTY

星期五收到學校電郵，

通知有呢項活動～～

地點近我又就啱時間～～拿拿臨上網登記活動^^

一向支持本地學生創作~~

會場有大大小小的設計

呢個高達模型真係好似呀!

香港，原來還有一群有創意的學校及學生

第一個活動係免費手繪袋～～

其實仲有好多野玩，可惜我地唔夠時間～～

只能揀兩款創意活動！！

老師們都好有心機教亞女繪畫

完成啦！！

暟澄好滿意自己的作品，

子澄就麻麻滿意啦～～我一早同佢講左，吉蒂貓好難畫得似^^ 我知佢已好努力啦~~

努力繪畫一小時後，

我地轉戰整屬於自己設計的燈飾～～

亞女的設計將會放喺呢度作展覽用途

揀左JOY (樂黃) & HOPEFUL (望紫) 的顏色代表對香港的心聲

設計完仲要用雕刻刀用心去整

最鐘意映兩個女專注樣^^

完成啦~~

成為此項活動展覽的其中一部份

玩完MAKER FAIRE 活動，

即刻起去美孚參加暟澄同學生日會！

見到暟澄同同學仔關係好好，學校生活愉快

我真係覺得好開心

而且暟澄喺學校的努力，

都得到同學仔與家長分及認同！

希望子澄同暟澄繼續佢地的愉快童年生活啦^^

暟澄的校園生活 (G1第一個學期)

暟澄一直比我的感覺，

都係異常飄忽：

唔知佢幾時去左夢遊，唔知佢係咪真識，

唔知佢理解到幾多！！　只知佢好鐘意偷聽我教子澄功課！

只知佢只想表現最好的給我看～～

暟澄的英文拼音一直比較弱～～

但暟澄很努力，就算去洗手間都會放成叠書喺側面，

邊讀邊睇邊去厠所。。。

功課好少要我教，回家拿拿聲就做哂！

有一日佢好興奮話我知，老師話佢係"SUPER STUDENT"，所以老師會致電給我！

當時我半信半疑，覺得只係老師哄佢的方法！

講真，NO NEW IS A GOOD NEWS~~老師多數只會打比曳的學生吧了^^

結果一星期後，我真的收到學校老師來電！

當刻我真的很開心，因為老師說了一大堆暟澄上課的優點，

而且完全講唔出缺點。。。（呢下我先覺得恐怖）

我反然同老師講：學校咁多學生，我又無催谷，我深信學術上比暟澄優秀的學生不少，

暟澄可做SUPER STUDEN應該係態度及表現良好，

希望暟澄唔會唔誤會佢係"最叻" 啦...^^

在校的主科評估，其實暟澄的成績都非常不錯！

數學測驗試過拿滿分，

連英文演說都全A* ~~~

我覺得真係有點誇張及驚訝!

在家練習時，邊有老師講到咁激好＠＠

學校的鼓勵性學習真係令學生好鼓舞^^

就連呢一張校內設計的VA 圖，

VA老師都對暟澄讚口不絕....

又係全A的評估....@@

其實...我呢個亞媽真係好驚青!!

一直希望兩個女喺HIGH LEVEL 之餘不是最TOP果個。。。

做最TOP即係無進步空間囉:P

尤其我個暟澄，對自己要求高，又不太喜歡聽我訓話！非常有主見～～

我常常怕她給自己太大壓力＠＠

講完學術進度，

都要講下我最擔心暟澄的人際關係！！

暟澄與子澄的性格非常不同！

暟澄可以獨自相處，專注到爆～～唔一定要有朋友喺身邊都可以生活果種！

成日驚佢得罪人多，稱呼人少～～

尤其佢好鐘意話人不是。。。呢個果個都唔乖（最乖係佢自己＠＠）

初時見佢最受男同學及G2子澄同學歡迎!!

幸運地，暟澄好快搵到自己的朋友圈，

唻緊仲被女同學點名邀請佢去生日會，同學仔話暟澄係佢喺學校其中一個BEST FRIEND

希望兩個女真的可以繼續開心愉快地享受佢地的12年校園生活啦^^

選舉日+WATOTO 義工日

今日好忙，朝早溫好書後，

即時先去做好公民責任～～

我個細路女樣＋拖住兩個女一行出選舉場地，

就比生果報夾住做訪問。。。

好彩化左少少淡妝出到鏡啫^^

原來訪問期間，SEASA 痴實我，表情非常搞笑

佢地可能以為自己有份上鏡^^

在兩個女面前，我好少閃縮，

好想表現最大方的一面比亞女睇，做個好榜樣！

所以一開始已問記者喺邊一間報刊，講野都好小心！

可惜。。。最後記者的內文都不是我所講既野HAHA

不過不慍不火的內容，算吧啦^^

下午回學校做WATOTO～～

非洲的小朋友真係好乖，好嚴守紀律，

佢地知每個機會都係值得珍惜～～

佢地見到我地義工家長，會兩排好齊咁向我地打招呼，超讚^^

澄麻麻第一到學校，

喺學校門口映相留念～～^^

學校突然間好似景點一樣~~

被老公偷映正在做義工的我^^

企左半日，很累呢！

科學週/美國朋友家庭聚

這個星期是學校的科學週，

每日小息都熱鬧非常：水火箭，降落傘比賽應有盡有，

不過我真係唔係好熟科學科～～

喺返學的時間遇見暟澄同學仔，

痴張相映下算了^^

十一月中，學校每一個角落都充滿氣氛！！

全部用環保用品設計，

全校同學一齊籌集用品，我地都有份架^^

我覺得真係好靚^^

星期五，兩個女放學後，

工人協助下換左衫，就跟媽咪的小學同學AUNTIE 一齊去佢家玩

讀WKF 真係好開心^^

學校有得玩，朋友亦好多^^

仲要係媽咪的朋友的仔女，高年級的哥哥姐姐都一齊玩

不過玩得好無儀態～～^^

好坐有著打底褲啫~~

映呢張相時被發現，所以三個都好斯文～～

飯前同Ｄ姨姨映下相先～

今日澄媽媽仲學左玩台灣牌^^

食飽飯又去左CLUB HOUSE 玩, 跟住又返屋企玩UNO~~

真係勁開心^^

渣打藝趣嘉年華2015

陪子澄幼稚園好朋友參加一年一度的渣打藝趣嘉年華~~

雖然初段天公不造美，好彩最後都放晴^^

去呢個嘉年華，感覺實在有點像去了外國般的氣氛

離不開畫花面～～

澄爸爸陪我一齊去，當然要PLAY HARD 叫佢畫埋啦~~

昨天的法國恐怖襲擊，今天腦裡只能浮現法國國旗

您們有著愉快的童年及友誼，真的要好好珍惜珍惜

又有音樂聽，又有小手作玩下

又可以同兒時好友一齊聚

能有這樣的童年，應該算不枉過童年吧^^

玩過後，要乖乖坐定定食午飯～～

肚子食飽飽，又係大飽眼福的時間～～

今年睇埋巡遊～～真係勁開心！

子澄仲話要同好朋友食埋晚飯～～

不過明天要返學啦！！好好休息遲些再約去玩啦^^