渣打嘉年華

逢星期六日都例必勁忙，

更加不要談論去維園或過海～～

不過，今日約左子澄的幼稚園好朋友去玩，

點樣攰點樣忙都好想盡力保護佢地的友誼，

唔想爽約呀！

所以八點半就起身坐船再轉丁丁去維園了！！

為的就是看見她們的笑面～～

SEASA係第一次畫花面貓~~

三位小姐仲要堅持畫一模一樣的款式~~

咁都好，呢款好似最易畫～～快靚正！

跟住又排隊玩手工勞作

其實呢個嘉年華會真係好多人，

排隊的時間勁長～～

兩個女都拼命地整整整

完成一條蛇啦～～

又係全部都要紫色的。。。

再玩Ｄ攤位遊戲，排隊快好多～～

這樣的童年多開心～～

放假就係玩～嘻

我成日問自己，小時最難忘的回憶係咩？

斷估無人會答書本的內容，數學有幾多分呢Ｄ答案吧！

我的腦海中，最難忘的就係玩樂的時光。。。