又係放低兩個女拍下拖，陪下父母的日子啦～～
老公呢期都好攰啦～～
所以叫媽咪搵下輕鬆旅行團，只食住瞓果種
一個人大概八百蚊的消費，
算是高消費團了:P
只是去兩個景點就會返溫泉酒店
喺香港只可以食冰鮮雞，仲要係打針的肥雞，
回到大陸，當然餐餐都要有雞啦～～
老公一餐可以食足半隻雞呢^^
架車行行下爆軚，
坐喺度等換軚的同時，
團長介紹我地食呢度出名的肉丸～～
見到十幾個團友用性命擔保，
我老公當然都會行出第一步嘗試啦^^
係好味既~~^^
終於去到溫泉酒店~~
車程都要三小時，
好彩中途安排午膳，
喺架車度又瞓下，打下機咁好快就到～～
充滿巴里氣色的酒店～～
以後又係食食食～～
又可以陪父母傾下計
開心輕鬆的兩天旅程
真係羨慕您兩公婆肯放下兩個囡出去旅行吓。
回覆刪除仲要陪父母去，咁孝順，真抵讚。
食國內食物真係要用性命擔保～哈哈～
因為要用性命擔保, 所以唔帶SEASA 去囉:P
刪除同埋浸溫泉都唔係咁適合佢地兩個~