今天可以早一點到德福花園行下街，
又係一條友同兩個女拍拖的時間啦！
我愛呢個幾米聖誕裝飾多過青衣那個FROZEN~~HAHA
起碼唔駛位兩個女主角而排隊個幾鐘先啦：Ｐ
仲有魔術表演睇
因為下場要去練水，所以著衫普通，仲要著拖鞋，
不靚之處，敬請多多見諒~^^
2014年11月29日 星期六
文化藝術館~~敦煌展覽+李小龍展
星期六仍是過著悠閒生活，
自然覺醒後，澄爸就拖住兩位小情人搵食～～
子澄話要食拉麵
食飽飽才出動～～
因為兩女遲些一齊去石門返學，
所以今日一家人專誠去沙田睇下有無樓盤搬屋，
最後當然空手而回啦~:P
不過去左文化藝術館，上了一課好寶貴的歷史與力學課程^^
歷史的是敦煌展覽
力學是李小龍展～～
睇呢個展覽好似係澄爸開心的多一點^^
澄爸話呢個展覽對SEASA 學劍起左非常重要的作用~~^^
行左成日~~本來想夜晚睇聖誕燈飾的行程要取消了~~
改去和亭食日本料理~~全家人都好滿足了^^
2014年11月28日 星期五
九龍城泰國菜+旺角購物日
約左中學女同學一齊去九龍城食泰國菜，
見到呢樽梳打汽水，忍唔住叫唻飲～因這才有泰國風味
這幾天旺角的抗爭情況日漸加劇嚴重～～
是的，今晚我決定到場視察民情！
由佔中佔旺的第一天開始，我已講明不想做電腦戰士，
不想看片頭片尾被人誤導！
純粹陪朋友行下街買下野～～大概11點半便離開旺角了!
或者你會問：咁你落到旺角見到ｄ咩呀？
今日我才驚覺，西洋菜南街的平日已不再屬於行人專用區～～
民眾有人叫口號，有人高呼倒采！
說實在，感恩在場的我只出現零碎搞事份子的聲音，
直至回到家才有暴動的畫面情況出現。。。
驚覺西洋菜南街平日不再是行人專用區的同時，
我腦內只不停想：哦，接到嘈音投訴所以取消行人專用區？
十幾年的習慣一下子被刪改～
難得廟街唱曲幾十年仍迄立不倒！
不要再問我哪有何問題？我不想在此畫公仔了＠＠
更加不要問我政治立場幫哪一面～～
在我心目中，部份巿民及部份警察都只是政府的祺子！
只要責怪任何一方都正正中了政府圈套～～
可憐的是大家都看不見明天的結局，大家都為生活而拼力。。。
身為一個師奶，我的確無能力改變一切，
更加無能力控制女兒的心路歷程！
讓女兒擴闊眼界，不做填鴨式傳統學習的犧牲品不正是自己心中所想嗎？
我只能夠用自己的眼，腳同心感受不同人的心態，與時並進一點點。。。
這個世代，當家長的另一無奈。。。
喜極而泣~~兩個女可以一齊讀同一間小學啦!
記憶之中，我不太會感受"喜極而泣"的感覺～
記得結婚的時候，我老公攬住我爸爸爆喊，
我個心只係諗：駛唔駛呀？
今日，我終於完全感受到什麼叫"喜極而泣"！！
我愛兩個女兒，她們在我心目中無分高低！
子澄上年玩選校遊戲時，已令我死了很多細胞！
今年輪到暟澄，其實死的細胞更多！
不是因為暟澄能力有限，而是因為暟澄的選擇得返一個！
其實暟澄的面試成績非常好，有其他學校的學位在手～～
但那一次告訴她有學校收了！
她的反應竟然是扁咀說不要讀這間，要同家姐同校。。。
那刻我知，我要用盡所有方法，希望暟澄如願以償！！
今年王錦輝小學申請人次達4500人!
暟澄的優勢係SIBLING加分～～
但私直小學根本唔會留位比SIBLING，
王錦輝往年收SIBLING亦只得八成學生！！
首輪面試後得"後補生"的信，
心灰要等到六月吧？
幸運地在學校的次輪面試完成後不足一星期，
收到學校電話通知有次輪面試了！
對我來說達八成成功的面試後再等結果~~
是的，結果是預左SIBLING WAITING，
但當真的收到呢個結果的時候，
心情真的好灰好灰。。。
究竟要我一等再等到幾時呢？下年六月？七月？？
開始又過著唉聲嘆氣，板著面對著老公訴苦的日子了。。。
一方面老公哄我就算WAITING 應該都係排頭位....
另一方面又有學位需要付註冊費了!
進退兩難的時間，我決定忍痛割愛放棄私校學位，
因為我深知對暟澄來說，讀邊間都不及讀王錦輝理想，
倒不如留守紅磡網算了！以後努力寫求位信就是了！！
就在我決定放位後的第二日（即王錦輝面試結果後的一星期），
峰迴路轉地收到王錦輝小學的WAITING CALL電話~~
掛線後即致電給老公，在馬路中央，梨花帶雨地喊著說王錦輝收左暟澄啦！
失而復得的感覺，真的教撓我珍惜現時擁有的一切！
我知道不是每位SIBLING 都好似我咁幸運，大多數仍在等待中，
真心希望其他SIBLING 盡快收到喜訊的來電!
兄弟姐妹同一間學校，
在幼稚園的時間我已完全感受得到她們的歡樂和喜悅！
選擇私直學校實在要接受呢個風險！
所以我真的好希望，兩位女兒都同樣懂得珍惜擁有的一切～～
這只是學習的起步，我完成做母親應付的責任，
往後的學習路怎樣行就要由你們自己承擔及守望相助～～
而且在這往後的十二年，我再不需要為催谷，呈分及升中派位而憂慮，
努力教好兩女的品德及擴闊佢地的視野！
特別鳴謝子澄的努力扶持及協助暟澄達成願望；
另外亦要多謝暟澄的面試表現及各方的進取心；
當然最重要多謝一直晚晚聽我訴苦的鄒爸爸，
在教育路上互相合作，互相取長補短地萌芽兩位可愛的女兒成長^^
2014年11月21日 星期五
御臨門溫泉2天團
又係放低兩個女拍下拖，陪下父母的日子啦～～
老公呢期都好攰啦～～
所以叫媽咪搵下輕鬆旅行團，只食住瞓果種
一個人大概八百蚊的消費，
算是高消費團了:P
只是去兩個景點就會返溫泉酒店
喺香港只可以食冰鮮雞，仲要係打針的肥雞，
回到大陸，當然餐餐都要有雞啦～～
老公一餐可以食足半隻雞呢^^
架車行行下爆軚，
坐喺度等換軚的同時，
團長介紹我地食呢度出名的肉丸～～
見到十幾個團友用性命擔保，
我老公當然都會行出第一步嘗試啦^^
係好味既~~^^
終於去到溫泉酒店~~
車程都要三小時，
好彩中途安排午膳，
喺架車度又瞓下，打下機咁好快就到～～
充滿巴里氣色的酒店～～
以後又係食食食～～
又可以陪父母傾下計
開心輕鬆的兩天旅程
訂閱：
文章 (Atom)