迪士尼畢業禮

寫迪士尼畢業禮的趣事之前，

首先想借個位訴下心聲^^

其實，我一直都不建議學校搞呢類活動～～

我個女畢業，關米奇老味鬼事咩！！

唔鐘意被迫，人群壓力參加商業活動～～

又無教育意義，又要同大陸人迫及排成日隊！！

一天兩大一小連食的消費已接近千五@@

咁多苦水係因為到最後，還是敵不過"愉快童年"的口號@@

還是要向惡勢力低頭參加!!!

唯一令我值得驕傲的，係同暟澄傾掂數，

堅持返學日子不能隨意請假去迪士尼玩！

下年輪到暟澄畢業，子澄小一一樣無得去～～

更值得驕傲的係，我的暟澄乖巧得完全接受我的道理呢^^

總算係達成唔比迪士尼屈得太盡的心態：Ｐ

仲有，去迪士尼玩，個個都話要扮公主去。。。。。

我們一家講過，公主不是靠一條裙去扮出唻，

所以今日同子澄著左條花女裙應下景。。。。

（跑唻跑去都唔明點解要著花女裙＠＠）

著起條畢業袍都好醒神呀

呢個老豆返完通宵，同我一樣鬧哂都要不眠見證個女的每一刻！！

（搞到我老豆無覺好瞓，你話係咪著哂火！！）

最開心永遠係無知的小朋友。。。。

幸好子澄實在人緣很好，周圍同同學映相

等入場，等映相，就係咁等左大半天～～

今日仲要有十間幼稚園排隊映，我地叫＂幸運地＂排第二，

又一堆＠＃＄％︿＆＊在我腦海中浮現!!

子澄被編排中間一行近米奇老尾側的位置映相 

畢業相係免費送比我地既，

呢張HIGH FIVE 相就要比錢!!

我呢D 孤寒家長啋你都傻!!

還有一點，迪士尼的不文明規定，

入場係唔可以帶水帶食物，因你要喺園內消費架麻？？

幸好珍寶珠花束及小童水係另計的！

都要著住件袍同班主任，校長映下相

又點少得家庭照呢～～^^

無聊左半天，下半天都不見得唔無聊，

去了新開的小小世界，由頭到尾只聽到老公喺側邊嘈嘈嘈，

小朋友嘩嘩嘩。。。。。＠＠

再去睇4D戲，子澄八成時間都係呢個樣～～。。。

成班家長團購去左食中菜。。。

我都唔想提了。。。諗住２圍一齊傾下計，

點知幾張８個人坐的枱比我。。。

食物又麻麻。。。意義何在呢@@

(但都要多謝搞手，搞手都唔知酒樓的安排＠＠）

食飽又去玩過

激流遊戲分三行排隊：廣東話，國語，英語

諗住排英文實最快啦～～

SORRY，原來廣東話果行無人排囉。。。。

國語果行排兩三架船先到英語囉。。。

又一個！＠＃＄％︿＆＊位＠＠

這是香港來的嗎？？？？？

同學仔話去玩跳傘，見到條龍起碼排一個鐘已唔開胃。。。

趁老公提早返屋企休息前，放低子澄比其他家長照顧，

我同老公排更刺激的玩意

（成個旅行最開心的係有其他人幫手照顧子澄:P)

去埋睇小熊維尼，呆坐等花車循遊。。。

又係好彩家長去慣去熟，知道咩位係靚位～～

子澄仲被邀請出去跳舞同埋玩^^

花車循遊後，玩多兩個遊戲就離開了！

原因係睇埋煙花超迫人，又迫我食埋晚飯先走得。。。

倒不如跟子澄商量，回家陪暟澄仲開心^^

備註：今日返到公司，上司話我間學校好，唔呃錢去迪士尼玩，

佢識的名幼去親旅行下下比成千蚊～～

咁我條氣係咪應該要順返Ｄ呢:P