運動用品房

兩位鄒小姐已進入兒童階段，

玩具房的玩意只餘下PIZZLE，LEGO，煮飯仔，穿珠仔等玩意，

因為玩具房喺變成書課之前，

將會成為運動用品房

今年的目標，係學會踩兩輪單車！

只靠一次半次到新界踩單車係唔夠既，

澄媽專登買左架16吋單車，足可以玩到８－９歲了！

溜冰已懂，開始向返陸地發展，

不過由於有基本溜冰常識，

呢對roller blade，一踩就學會了^^

再唻就係劍擊器材~~

中國古語有云：戲無益，

但在我角度看，運動越細學越快上手，

尤其係女孩子，長大一點又怕弄污又怕損傷，

姐手姐腳的想學就更難！！

更何況，兩女都懂分配時間，

玩完運動，飯前完成功課，連閱讀報告都不馬虎^^

上為子澄的閱讀報告，

下為暟澄的閱讀報告。

其實K2班我沒有要求澄豬懂寫太多的字，

不過暟澄以子澄為目標，不填滿張紙不擺休^^

飯後無野做又係走去圖書角睇書，

超健康的恒常生活呢^^