停不了的假日

好難想像現今小朋友的假日怎樣學4-10樣野~~

我兩個女只係學一樣野，

但假日仍然忙過不停～～

星期六的早上，

趁澄爸澄媽還做大懶豬的時候，

SEASA喺工人姐姐的教導下已完成一件自家製勞作^^

星期六的下午，我同老公又忙去小學聽講座，

聽完講座還留下半小時幫家教會整復活節禮物^^

星期六的晚上，三五成群的亞公飯局又開始啦！

今次到深水埗食火鍋，一行廿幾人～

叫左好多野食，但戒左牛的我好似食唻食去都係雲吞水餃:P

大人一圍，小孩一圍

食飽又齊齊企定影張相^^

忙完星期六，唔好諗住星期日有得休息＠＠

恒常劍擊課程後，

仲要坐的士趕回家，

為兩位小姐扮靚靚再坐的士去參加同學仔的生日會＠＠

呢個同學仔跟子澄好似樣

我問兩女可唔可以著劍褲去生日會呀？？

好型架喎？？？

兩個女異口同聲話唔得＠＠

小朋友超愉快的下午，

學校以外的時間，仍是希望和同學仔一齊玩！

問過子澄幾次有無不捨幼稚園生活？

暑假想休息或是返學？

子澄毫不猶豫地話好想返學！

難得子澄咁熱愛學校，真的有點感動，

又希望子澄可以盡快適應小學生活啦！