沒有工人，還有並肩的你

小事一摏，由15/2-22/2 無工人一星期啫～～

美國朋友們個個都係咁湊小朋友架啦^^

雖然小事，但我有堅持，

堅持屋企仍然咁乾淨，

堅持兩公婆夾手夾腳搞得掂，

堅持照常返工，唔影響公司運作。。。

堅持在這個重要日子協助兩女更獨立自理，仲要幫手做家務。。。

害怕的天有不測之風雲應驗了！

兩個女同時作病，鼻水長流。。。瞓唔好，有聲咳。。。

加埋鄒大少無心之單打說話。。。個人開始癲癲地。。。。

好彩，鄒大少用一天平日放假的機會幫我做家務煮飯，

曙光初露，話我知我不是孤軍作戰！

之後的時間，我要更積極做得更好！

要做一個在職全能的好媽媽^^。

平日早上時間：早起半小時預備早餐梳洗換衫，送返學後再返工

平日放工時間：老公接放學教功課；我買餸煮飯洗碗洗衫協助兩女沖澡同埋睡前故事！

常恒的時間表，雖然兩女帶病在身，還是笑面積極學習並協助我完成家務！

一家人齊心。。。無野解決不了^^

不得不提我家兩位小幫手，認認真真的協助我，
還很怕我遲到被老闆責罵，朝早拿拿臨起身換衫返學^^
夜晚沖操刷牙又一手一腳搞掂!! 不得不讚呢^^