舊同事與我的生日飯

今次又試新野~~

K11的大都烤鴨

鐵膽四腳

呢度的食物好精緻

我個人認為都好好味呀

全部都係我想試的食物

食得好開心呢

飯後仲去左食甜品

希望我的舊朋友每天幸福開心快樂啦~~

沒有工人，還有並肩的你

小事一摏，由15/2-22/2 無工人一星期啫～～

美國朋友們個個都係咁湊小朋友架啦^^

雖然小事，但我有堅持，

堅持屋企仍然咁乾淨，

堅持兩公婆夾手夾腳搞得掂，

堅持照常返工，唔影響公司運作。。。

堅持在這個重要日子協助兩女更獨立自理，仲要幫手做家務。。。

害怕的天有不測之風雲應驗了！

兩個女同時作病，鼻水長流。。。瞓唔好，有聲咳。。。

加埋鄒大少無心之單打說話。。。個人開始癲癲地。。。。

好彩，鄒大少用一天平日放假的機會幫我做家務煮飯，

曙光初露，話我知我不是孤軍作戰！

之後的時間，我要更積極做得更好！

要做一個在職全能的好媽媽^^。

平日早上時間：早起半小時預備早餐梳洗換衫，送返學後再返工

平日放工時間：老公接放學教功課；我買餸煮飯洗碗洗衫協助兩女沖澡同埋睡前故事！

常恒的時間表，雖然兩女帶病在身，還是笑面積極學習並協助我完成家務！

一家人齊心。。。無野解決不了^^

不得不提我家兩位小幫手，認認真真的協助我，
還很怕我遲到被老闆責罵，朝早拿拿臨起身換衫返學^^
夜晚沖操刷牙又一手一腳搞掂!! 不得不讚呢^^

家長日（暟澄K2上學期）

好啦，講完子澄，又要講講呢位鄒暟澄小女孩：

暟澄的兩位班主任：一位跟左暟澄兩年，一位是新任兩個月的老師

今次家長日見哂兩位老師

入到課室，預了班主任會先問我暟澄在家的情況，

我當然預備充足，滔滔不絕咁形容我呢個小辣椒～～

最後，我總會加一句：我知老師認識的鄒暟澄與我的形容不一，

所以我都想了解老師認識的暟澄是怎樣的一個女孩及有什麼缺點可以改善~~~

兩位老師笑了幾聲，認同了我的意思：佢地認識的暟澄與我認識的暟澄好似係兩個人:P

以下係老師大概描述暟澄的內容：

暟澄貪靚樂觀有禮，

能力屬於較成熟的一群，

常帶領同組同學分析問題，亦會主動答問題。

而且在班中，暟澄係比較聽話的一群，用心聽指領並服從沒有駁咀情況。

語言能力方面：好重視不同人用不同語言，不會混淆語言，

語言發展亦相當不錯。

功課亦做得井井有條，有規律自理；

社交方面都無問題喎，

對於小學面試表現可能言之尚早，

但老師相信暟澄絕對無問題亦不會有依賴情況影響表現。

每次家長日都問老師：暟澄有咩缺點需要改善？

每次得出的答案都係：真係睇唔到暟澄喺學校有咩缺點喎。。。。

難得的係，連暟澄爸爸都認同，

暟澄只有在我面前才會將缺點表露無遺，

在外是一個完美主義者～～

更難得的係：不同的課室，不同的老師有同一個令人振奮的訊息：

老師指出，很榮幸有機會分別教授過子澄及暟澄，

眼見兩個女的表現，待人接物及一切都發展得好好，

相信爸爸媽媽用左好多心機時間去培養兩個女。。。。。

這刻我再重申，我係一個懶媽媽！老師反然用一個疑惑的眼神望住我@@

以後話工人姐姐的配合亦發揮好大的作用!

因為好多工人姐姐為左做野快D都會幫小朋友預備哂所有野，

呢方面，我的確費盡心機教導工人點樣與我配合訓練兩個女的獨立自理！^^

工人的朋友無一不驚訝佢的小僱主要自己拎書包，去公園玩時話走就要走^^

再者，兩女的獨立思考能力，或多或少係因為我"懶"得幫佢地做和事老，
佢地有很多的創意空間，嘈吵打交的空間:P
自己的問題，自己去解決！
有無工人的時間也好，整亂地方就自己執！唔執我就掃哂Ｄ玩具出街！
想食飯？自己拎碗筷吧！
功課求其寫？？你過到自己個關就可以啦！你覺得老師接受就可以啦！
通常佢地會重申看一遍功課，連自己都接受唔到就笑一笑，擦一擦重申做過！

沒有補習沒有密集式的興趣班，
所以如果講培養麻。。。。
"懶"應該係我當亞媽的核心價值觀HAHAH

家長日 (子澄K3上學期)

先講講呢位鄒子澄小女孩：

各班有兩位班主任，

子澄有一位班主任較嚴（但我主力不是見呢位老師），

難得佢喺家長日有空檔時間，捉住佢傾計，

想睇下佢對子澄有咩評價（佢的嚴厲程度，

係連我覺得班中最叻的女孩都比佢不停數缺點）

佢竟然只係話：子澄真係好可愛，好得意的一個小女孩，

好好玩，無秘密，CHOK CHOK 下佢就會講野比人知~~~

.....呢D.....就係呢位嚴厲老師比子澄的評語????????????????

入到課室，另一位班主任第一句就話：子澄係一個好搞笑的小女孩。。。。。

以下係老師大概描述子澄的內容：

子澄的性格大開大合，好十三點，好似一個傻大姐咁，

雖然有求其的時候，坐喺度都可以突然放軟哂咁。。

慶幸子澄有自我反省的樂天性格，指出錯處時會好快糾正～～

能力屬於班中的頭幾位，而且好肯幫助其他同學，

好有領導才能！

最難得的係佢無因此而擺出驕傲的態度，

好得人鐘意～～我相信家長的教育及配合得好好，

希望家長能夠繼續呢貫教育作風！

我亦相信活動教學的學校非常適合子澄，

因為佢的十三點性格，在傳統學校可能比較管束；

子澄不鐘意受壓，因佢認為自己有能力不受大人控制而又可以做好本份！

學術上不需要擔心子澄，佢絕對無問題；

社交方面亦不需要操心，佢亦無問題；

情緒管理方面，子澄的確會因為做錯事而先發制人大喊左先，

因為佢的性格就係咁大開大合，

但冷靜過後佢都會知道點改善。。。所以唔駛太擔心。。。。

感情事麻。。。正常社交，沒有過份早熟，放心放心。。。。

我相信家長喺屋企用左好多時間去培養兩個女，

你地繼續向住呢個方向咁教就可以架啦。。。。

WELL....老師～～～

首先多謝你地可以將子澄的缺點化成優點咁睇^^

更加多謝你地認同我的教育概念，這點令我同老公都覺得好鼓舞，

最後多謝你地令子澄有一個相當愉快的幼稚園生活^^

其實...你地的評語反然令我有點壓力：

老公問我點解老師咁樣讚你個女都唔開心？

我話：這只是教育的起步！幸運地女兒的起步很好，

但如果下次家長日或小學時，老師指出女兒的弱項你會否感到不爽？？

要一直找到好老師實在不是易事，我希望在女兒遇上困難時可以與女兒共同面對逆境！

這點。。。可能就是我的壓力來源及隱憂吧^^

不過，還是要努力樂觀面對來的挑戰呢！！

情人節禮物2014

情人節呢D日子....我的確好少提～～

因我相信，有愛的話日日都係情人節麻！

不過，花仍然樂意收既^^

而且今日情人節有點不同，

澄爸終於願望成真：有樓有車有名錶有生意有工人有家庭。。。
(數左咁多野，好似好中產，但我戶口無錢囉～～＠＠慘！！）

雖然係二手車，但代步的，工作有需要的，佢自己一力承擔的。。。

我都無謂比太多意見及插手了！

第一張私家車二人合照^^

因為老公要練返熟點駕車，

所以非常漫無目的地。。。去到大尾篤，

又見到大大觀音了！！

為了方便泊車，又去返呢間開心BB棧食野！

最開心的除左澄爸外，

一定要數呢兩位小姐啦！

澄爸接放學，兩位小姐興奮緊張又開心！

仲非常期待下次坐車的機會！

我諗，成家人只有我一個唔贊成買車囉:P

踩入烏溪沙

運動咁有益，

呢一年希望帶兩女做多Ｄ運動！

不再停留於海洋公園啦！！

今日，中途站仍然係沙田圍食水餃

再去馬鞍山租單車

由馬鞍山踩去烏溪沙原來超快！！

仲要有沙灘玩！！

玩完沙又踩去馬鞍山公園玩

超級悠閒的一天^^

生日快樂2014

一年一度的二人世界生日，

昨晚起將SEASA 交到上水跟麻麻遊玩後，

由零晨起順利展開！

第一站係睇＂金雞ＳＳＳＳＳ＂^^

第二站：等瞓夠休息夠，

起身去火車站食個靚早餐就起程～～

老公話，我都係適合大自然多一點～～

租架單車，由大埔踩到大尾篤

去草地映下靚相，我已心滿意足～～

再食我想食的野！！

未試過的客家菜！！好好食架!!

跟住去我好想去的一間藝術餐廳參觀

周圍去下，映下相，

樂得清閒

這就是我想要的生活～～簡簡單單

二人世界，食個飽都好味Ｄ架^^

祝我生日快樂，一家身體健康，兩女快高長大，

暟澄今年順利考到心儀小學就FIT 哂啦！！