一大清早，比返工還要早起身，
就係為左同澄婆婆一齊行個2014大運^^
今日行程相當豐富，
所以暟澄背左一個大大的袋裝零食同行^^
第一站係去屯門騎術馬場，
COOL~~~D馬四處都有
其實主要目的係去呢度的紅樓，
同SEASA講下中國的歷史，
又上了一堂好好的國民教育課^^
澄媽簡單話：以前有兩幫中國人打交，
就好似哥哥同弟弟打交咁，
打輸左的去左台灣，打勝的留喺中國統治我們：
輸了的就係今日呢支青天白日滿地紅的中華民國國旗的台灣；
勝了的就係今日五星國旗的中華人民共和國的中國。
子澄問：係咪我地羸左？
我話：我地無份打交，我地無羸到，羸的係中國政府～～^^
就算邊方面輸羸，我地都係中國人；
子澄再問：咁打交邊個唔啱先架？
我話：對錯就要留返佢再大一點，讀多D書自己了解消化～～
歷史無話全對或全錯，只有你自己用腦去判斷^^
這天在這裡聚首的，都係當日支持呢支旗的中國人！
小孩只需簡單知道一點點，
又過樣開心快樂的童年就好了^^
離開紅樓，好快我地就去左流浮山食海鮮～～
要照顧兩個女，實在無時間相機食飯先^^
唯有周圍映下相，SEASA都係第一次見哂蠔情景
食飽飽，去左壽桃牌工場睇電視學整麵，
又去左美味棧買手信～～
仲去左食$10任何豆腐花～～
澄媽食左三碗呢^^,呢隻碗已添左五碗架啦~~HAHA 抵到爛!
最後的行程係去觀景台睇青馬大橋~~
其實今日的行程，所有景點澄媽都係第一次去～～
美少女留倩影～～
澄婆婆仲抱起SEASA睇望遠鏡呢^^
快樂的行程，一切由2014年開始^^
沒有留言:
張貼留言