成就終生愉快學習延續~~王錦輝中小學

 

 

我一直相信，緣份與上天一直眷顧著我的一家，

由置業，生小孩，請工人，搵學校等～～

中途可能頗有阻礙，但總會有方法行出海闊天空！！

 

今年的首要任務係盡母親責任，為子澄揀選小學～

香港的小學五花百門，而我的要求好簡單：不為名校，只求學得其所及價值！

沒有考十幾廿間的舉動，因我都係一個懶媽媽，

亦希望個女每一次都享受面試過程～～

所以只揀算四間心儀小學報名！

 

由九月至十一月尾，簡直係渡日如年的日子！

在公司籌集資料，申請報名花了我很長的時間！

但一直沒有給予子澄半點壓力！

每次都係從容面對面試，面試完後問下子澄喺學校玩D咩~~

佢鐘意講就講，唔鐘意講又繼續吃喝玩樂^^

 

看著報十幾廿間學校的家長陸續收到OFFER 或REJECTED，

個心一半慶幸自己未收過任何REJECTED，一半開始著急未有OFFER喺手~~

 

再將鏡頭轉過唻津校戰場：

兩手準備的我，如果無私直校收咪讀返津校囉^^

個個都係咁讀架啦！但我唔會揀名校，只想適齡學習～

手持得15分，揀返屋苑附近的學校！

澄爸成日都話：行三步就有相熟舖頭職員或街坊親友，

個女想壞都難啦^^

直到自行分學位出結果：

雖然榜上有名但只係備取生，最後亦未有機會喺自行分配階段取得學位！

 

心中已作最壞打算，

等等等，等到六月統一派位怎樣都有一間學校收呀！！

香港點會無書讀呢？

奈何口說再多鼓勵自己的說話，心中不免開始焦急！

最大的問題係。。。唔鐘意等的感覺！

 

考私直校方面，我總算幸運媽媽，因為各家長有幸入到2ND 後又要進行家長面試，

我竟然可以跳過這個關口：Ｐ

 

十一月尾，收到其中兩間小學的REJECTED，

王錦輝小學已進行2IN亦無需見家長，

另外九龍塘小學則到今日還未知2IN 結果～～

 

等到今天，打開信箱，終於有想喊的感覺～～

最心儀的小學收左子澄啦！！！

香港浸會大學附屬學校王錦輝中小學！！！

 

 

 

揀選呢間學校的原因有好多：

(1) 中西教育，不傳統，著重思考及創意

(2) 沒有很強的宗教色彩

(3) 有劍擊訓練，重視發揮才能

(4) 沒有大量測驗考試，只有評估及中英文考試

(5) 沒有成績名次

(6) 沒有呈分試

(7) 一條龍讀12年

(8) 沒有小學三年級評核試

(9) 除中文以普通話教授，其他科目以英文授課

(10) 12,000呎的校園，設施應有盡有

(11) 世界性視野探索

 

 

希望子澄喺呢度讀書承延幼稚園的開心愉快及歸屬感，

亦希望下年暟澄可以一齊入讀同一小學啦^^