今日出席子澄同學仔的生日會，
入左火炭御龍山會所玩～～
今日除左G2 幾多同學仔之外，
其實全部都係G4 同學仔的哥哥的朋友仔~~
去室內籃球場玩左一個鐘後，
小小朋友就去會生日會場內等食
天寒地凍，佢地玩到除剩一件薄薄內衣^^
小小朋友好醒目，圍住食物枱等食^^
到吹生日蛋糕時，又係企前排~~^^
呢班大哥哥比我的感覺係：好好兄弟^^
呢種有細到大的友誼真係好難得!
連吹生日蛋糕都爭左好耐~
搞到小小朋友忍唔住吹熄左，以後Ｄ大哥心有不甘的面容最搞笑^^
食飽飽，又去會所遊樂場玩～～
今日我發現兩個女一個小秘密^^
原來佢地自我保護意式非常高!
尤算大哥哥叫佢地JOIN 埋一齊玩籃球或玩捉，
佢地都情願行埋一邊玩其他野，
原因？佢地驚大哥哥太強，撞到佢地發生任何意外就無謂了^^
當大哥哥離開後，佢地又走唻走去做霸主^^
其實咁都係一件好事，起碼比我知道，
佢地唔係只求有伴，咩人都可以一齊玩果種^^
沒有留言:
張貼留言