成日都話人需要不停進步！！
十幾年前住東橫INN 的早餐只有飯團架喳~~
今時今日竟然可以比美大酒店的早餐咁豐富!! 真係值得讚!!
亞女只係包都食左兩個
今日坐巴士上野沢溫泉，
喺成個旅程的重點推介！
未夠鐘所以先行下長野的商場
拖住個行李帶兩個女四處遊歷，
喺澄爸爸一直夢寐以求的樂事^^
BYE BYE啦長野～～
喺巴士上，我唔希望亞女只掛住玩手機，
所以將自己的手機借比佢映相～～
見到咩想映的都可以映下！
SA SA 眼中的日本
一直見到萬里無雲...唉...心諗究竟會唔會坐1.5小時車就見到雪呢??
兩個女會唔會好失望呢??
都話幸運之神無離棄過我^^
距離目的地越近，開始望到雪山及薄薄的雪地，
相信SEASA 起碼可以摸到真雪^^
到達野沢溫泉，搵民宿其間，
好快比澄爸搵到野沢溫泉村警察官駐在所映相留念
（真係去到邊都搵警署／警車映張相留念架）
放低行李後，又趕住出外睇雪景及風景～～
雖然只係少少雪。。。但兩個女心情已好興奮
SA SA 最想玩的雪球戰，已急不及待邊行邊玩
成條街咁靜，最嘈就係呢三條友
去到溫泉購物街
又周圍映下相
這款溫泉湯喺野沢有幾個，
但民宿內有得浸，當然唔會走出唻浸囉：Ｐ
玩之前，都係時候醫左肚先^^
又係網友推介的壽司食堂
咁又真係好好味喎^^
的確無介紹錯
食飽午餐，亞女又話要食雪糕～～
食飽飽，就可以行呢條山路上雪山
行唔夠五分鐘，已經有條行人雪梯上雪山，好方便呢～～
嘩～～兩個女見到雪山情景，好心急想玩雪啦～～
不過，唔該先映張家庭照先呀^^
仲有，澄爸好緊張要即刻去滑雪學校問價錢
嗯...我地好好彩，預約左一個外籍教練明天教亞女滑雪
今日就由得佢地輕輕鬆鬆感受下雪地樂趣
熱身期～～
就係咁都已經覺得好好玩
又係一張又一張似畫的相片^^
這裡滑雪好似好方便呀！！
唔似以前去雪山要坐車接駁
SEASA 不停問滑雪難嗎? 好似有點驚!!
希望明天一切順利啦~~
玩完雪，落山後見到足湯，
又叫兩個女去試浸腳
有琉璜味，我同亞女講蛇最驚琉璜～～
SA SA 竟然誤會我意思，以為有琉璜就好易見到蛇＠＠
玩左半日返回民宿，
亞女攰到一邊睇電視，一邊瞓著左。。。
瞓左半小時左右，大概六點幾又一家出外搵食！
原來依家係旺季，好多餐廳都有人預訂及爆滿了！
搵左半小時左右，終於搵到間西餐BAR 食炸物
亞爸你可唔可以唔好咁肉緊????
亞媽你可唔可以唔好映D咁白痴既相?
拎左啤酒杯飲果汁...型爆~~^^
今晚我地的晚飯~~
澄爸努力地叫...應該係驚今晚無得食宵夜:P
食飽飽就返民宿瞓覺啦~~
明天仲要學滑雪呢^^
沒有留言:
張貼留言