先苦後甜的聖誕假期

用過山車形容我呢個假期的心情簡直非常貼切！

SEASA 持續發燒了一星期後的新進展：

19/12 (星期六)：

子澄：中午無端端話耳仔痛到好似上年中秋中耳炎一樣，傍晚帶佢睇另一個私家醫生，比抗生素佢食後即晚退燒

暟澄：疑似猩紅熱，早上帶佢睇私家醫生，醫生話係皮膚敏感＋感冒，連抗生素都無比佢食

20/12 (星期日)

子澄：病左成個星期，終於今日完全退燒，仍然係敵不過病菌要食抗生素

暟澄：皮膚泛紅無退燒，晚飯時間老公見唔對路，建議帶佢去醫院睇急症！

今次我醒目，沖完涼執好野，八點幾到達醫院！

好快急症室醫生已轉介我地轉院觀察～

照過哂Ｘ光話個肺無花～～

原來真係猩紅熱，病毒由腳的傷口感染，經淋巴腺走全身＠＠

就係咁。。。我同暟澄又展開五日四夜的醫院之旅。。。。

醫生話注射抗生素會快Ｄ好，

暟澄又要打豆豆，又要抽鼻水。。。我知一定好痛好可憐＠＠

我日日呆在醫院，無得執行李，無得返工，

只係陪伴暟澄左右！

幸好暟澄的病情持續明顯改善～

有時仲會有醫生小丑送聖誕禮物，變魔術，

同埋護士會拎繪畫紙及玩具比亞女玩

做冬的晚上有點孤寂！

等老公電話至晚上8點半，

一肚氣地走去７－１１買人生第一盒叮叮飯食！

真係希望病的係我而不是我的女兒！

但求家人平平安安，健康快樂～