暑期啓動 (烹飪篇)

今年暑假的目標：兩姐妹諗菜式，買洗煮食材，一手一腳洗埋碗！你地煮咩我食咩！

係堅做的！所以暑假都頗忙下！

通常早上學完游水或口琴，下午去AEON 或街巿買餸~~

之前每天習慣的一肉一菜一海鮮，習慣每天向佢地查詢晩飯意見，

所以佢地係諗菜式呢PART無難度~~

買餸要計下夠唔夠錢買，睇下食物期限份量等～～

三餸或四餸，

洗菜洗米都要搞掂埋，

子澄搞兩餸，暟澄搞一餸～～

整套過程都要搞成個下午了！！

味道未必一流，但自己煮的多數碟碟清！

咁辛苦煮的一餐飯！點可以唔珍惜食物？？

其實前段以前都有幫手，

今手加埋洗碗啦！

一個洗，個過水，互相合作！

當然鑊呀，爐呀就唔駛佢地洗啦！

碗筷碟係第一個開始！！

如何洗完整齊放好快是學問吧^^

要努力KEEP 住, 在這個暑假學習如何照顧自己呢~~

暑期啓動 (興趣課程+爺爺家渡假)

踏入暑假的第三週，

青年會搞的興趣課程亦展開，

平日早上多數係游泳及口琴課程，

其他的時間都係自由自在閱讀，運動，烹飪，家務，美術設計等～～

暑期功課亦做得七七八八了！！

這個星期五六日，已約好和嵐哥哥到上水渡假～～

在這裡，我們仍是日日游水，

不同之處是我們不是練水，係自在地玩水及水槍^^

又會在會所玩下其他運動~~

爺爺同嵐哥哥係乒乓球高手來的~~

在這裡直頭更FREE: 無時間觀念下瞓覺起身...食咩都無亞媽管....

就係咁過左一個輕鬆寫意假期

暑期啓動 (劉氏半月灣遊)

麻麻的親友計劃一齊去半月灣玩～～

傑舅父仲預備左兩盒醉雞翼！

我呢Ｄ醉雞迷當然食到未停過口啦^^

今日係去咁多次半月灣，

潮漲得最高的一次！

而且有老人家唔游水，所以扎地去左燒烤場～～

講真，去半月灣都不少過十次了！

但從後了解半月灣真的第一次～～

我地一行人有廿個咁多！

除左雞翼，還有冰凍飲品！

原來半月灣除左沙灘美之外，

連草地及燒烤場也很美！

當然要加埋我兩個彩虹美少女的造型！

成個構圖都好田園^^

澄爸爸同表叔們仲帶左兩個女上半月灣山頂望景色!

很美呀!

澄爸爸抱住兩個女，多滿足呢^^

暑假的每個週末也是節目豐富的家庭樂^^

暑期啓動 (挑戰吐露港)

子澄學懂踩單車後，都未試過長征～～

趁今日天氣無咁熱同哂，決定帶兩個女挑戰吐露港！！

食飽早餐行去紅磡火車站坐港鐵去大埔墟

暟澄未識踩兩輪，

所以暫時租四輪～～

同埋首個任務係控制架車已令暟澄非常不耐煩！！

這是學習的最好機會！！　過程唻架亞女！！

搵到條單車徑了！

開始吐露港之旅前，飲啖水休息下先！

踩單車。。。堅不能靠父母協助！

因父母都有自己的單車要照顧！

又堅不能中途放棄！

放棄了便不能到達目的地～～

既然已開始，就要硬著頭皮完成！！

暟澄的耐力一直十分驚人！

全程跟得爸爸很貼！

我就負責跟尾，注視佢地的安全問題！

努力＞＞休息＞＞再努力＞＞再休息。。。

這就是人生！！

沿路總有我們一家一齊努力，互相扶持啊！

中途子澄不停問幾時到有冷氣的地方呀！

亞媽總是回答：不遠了，不遠了！就在前面呀！！

就是這份毅力，我們一家完成了一半旅程，

坐低嘆冷氣及食午餐中！！

再喺科學園周圍參觀一下

休息過後，我們便起程回大埔墟了！

回程的感覺比較輕鬆，因為已預料到路程有多遠～～

完成後，我們一家都很滿足開心！

子澄話要奬勵一下自己及暟澄能夠完成車程！

所以要去買雪糕開心一下^^

暑期啟動 (MINIONS睇戲篇)

澄爸爸放假，點都要帶兩個女周圍玩先過癮。。。

今日好哂，但佢話要帶SEASA 去佐敦谷....

因為係平日又哂，所以同包場無分別！ 

哂到SEASA 話要走啦...澄爸先肯走~~:P

因為今日仲要下一場：MINIONS~~

套戲真係超白痴好笑

不過唔好諗住有教育意義啦~~完場後得著係笑爆咀跟住就咩都無囉!!@@

反然我對呢套好有興趣!!

等上畫後八月再睇;)

暑期啟動 (9/7/2015-12/7/2015)

子澄第一次過漫長的暑假~~
(幼稚園交12期學費, 只有兩星期暑假,

臨尾果個星期又開始上小學適應課程, 

所以這個暑假對子澄來說係特別的開始)

放假的第二日，已相約幼稚園同學一齊探幼稚園老師

少不了一齊去公園玩

佢地可以組體操少女隊~~^^

就咁轉都可以玩得咁開心~~

星期六日係澄爸放假的日子，

少不了周遊渡假～～

第一站係半月灣！

SEASA都話鐘意去西貢沙灘多過黃金海岸!

因為鐘意見到海底，鐘意見到魚魚同埋唔鐘意見到垃圾^^

星期日，之前哂左成日，

今日想涼下冷氣～～所以揀左溜冰

有個私人教練，學咩都順利一點^^

再去美麗華商場的商務買書睇~~

夜晚去左食鐵板燒

臨瞓前仲有故事爸爸講兩隻故事~~

兩個女真係好幸福^^