暟澄生日前哨~與滑梯及瑩火蟲的約會

這個夏天，真係熱得叫人喘不過氣來！

除了游水，真係諗唔到有咩戶外活動可以做！

專登走去馬鞍山泳池，因為聽聞呢度的兒童嬉水池好大好好玩～～

泳池未夠鐘，走左去隔離圖書館打下書釘

呢度。。。又真係好有水上樂園FEEL~~

堅好玩! 仲有大型滑梯！但要等兩個女再長高些才可以玩囉～～

不單止兩個女玩得好開心 

連澄爸都大讚唔駛再返中山，已可在此享受水力按摩^^

生日前哨活動還未結束，

壓軸活動在夜晚才開始～～

就是約左子澄的同學仔，組團去睇瑩火蟲去！

今日好好彩，遇到一個好好的領隊，

佢好有心地詳細講解好多昆蟲資料比大家認識

仲順便講埋天象奇觀！

今晚。。。天色很美，遇到的人和物都很美很美！

美在每位小孩都全程投入去找尋昆蟲，

沒有姐手姐腳的港孩！更沒有由頭到尾都只會問學業的怪獸家長:P

愛這一群的家長與同學仔，

因為我們每次出外玩樂的時候，就是每位都盡情投入！

忘卻香港的教育，忘卻不屬於大自然的一切！

大家都非常享受大自然給我們的禮物

希望下次暟澄及子澄同樣有這種福氣^^