暟澄的K3 英文匯演+三聖村海鮮餐

望穿秋水，終於到左暟澄的英文匯演了！！

即係話，暟澄仲有半年就會完成佢的幼稚園生涯～～

子澄今次係座上客，仲見到韓國仔舊同學～～

唔知係咪有頒發紀念品的經驗，

今次我隻小蜜蜂又係負責呢一個環節^^

是的，今次暟澄充滿笑容，

而且享受台上的表演，

但仍不忘需要我們的鼓勵，

所以不停尋找我們的座位～～

直接見到我地，暟澄的笑容更加充滿信心^^

暟澄今次的演說比較少^^

可能學校希望減少學生的獨腳戲，需要配合群體精神！

不過，暟澄的表演仍然企喺重要位置！

每次到左跳舞環節就會見到佢喺最前線～～

我的小蜜蜂真的好落力演出！！

化妝SET 頭後的暟澄，還帶幾分姿色^^

澄媽開始擔心狂風浪蝶了HAHA

台下的慶功映相^^

晚上，我們還趕去下半場：海鮮宴慶祝姨婆的生日～～

一月就是在這樣熱鬧中渡過^^

子澄的G1家長日

今日係第一次參加小學的家長日，

我同澄爸爸都專登請假，期待了解子澄的小學生涯的一切。

拿取成績表後，貶眼看了一看，成績的確令人滿意！

我不是完美主義者的家長，唔駛全部都要攞A，

而且更加唔想為了評估的級別同老師研究如何做得更好！

我只係同老師講：其實分數對於我唻講真係唔太重視！

最緊要知道個女的學習態度及待人處事情況

跟住老師話：以子澄的成績無問題呀！

佢喺學校表現好好，

反應快又落力舉手答問題；

肯幫助同學又會分享。

照顧自己之餘又可以照顧埋其他人。。。

我話：但係佢做事好粗心大意喎！

老師：哦，咁我覺得佢的功課可以做得更好，

以佢平日學校表現，再看佢的功課，

會覺得佢地功課有進步空間

我話：係呀，平時我唔改佢功課由得佢錯，因錯左要改正！

要教佢獨立不依賴我去糾正。

咁佢仲有咩缺點要改善或有無方向要提升能力？子澄無任何補習啊！

老師話：唔駛補啦！依家只不過係小一，

享受下學習過程就可以了！子澄已做得好好！

感激老師的包容我這個"不思進取"的家長^^

更要感激大家都有共同的教育方向！！

這的確是小學一個很好的開始！！

夜晚再同澄婆婆慶祝生日~~^^

多麼美好的一天呢!!

英文演講第四回~~親子3D 模型

開學後，這是第四回班中英文演講了！

每次演講後，子澄都好緊張自己的表現，

而且希望越做越好，又會留意別人的預備，怎樣可以變成自己的推動力！

子澄已要求預備3D模型不下數次了!

今次，澄媽終於拿出勇氣一同整呢份親子3D模型^^

說實在，電腦的各項資料搜集預備係我的強項，

但美術囉～～～～～唯有硬住頭皮整啦！！

今次我地要整海洋，演講題目係"MY FAVORITE ANIMAL"

兩個女合力預備的海床

這是背景

講到叠紙，我似幫張紙做手術咁。。。

呢條係無左對翅的魔鬼魚＠＠　

實在唔識叠呀！！

還預備左八瓜魚同埋魚類～～

用左一整晚油個海床架!!

這就是我們的3D MODEL~~~HAHA

本地漁農美食迎春嘉年華

繼兩星期前同兩個女參加左呢個烹飪比賽之後，

今日終於上台領奬啦～～

嘉年華的刊物仲有我地的相^^

澄爸拎左幾本留念呢~~

原來呢個場好多野睇同埋學，

有本地漁農業，農作物等的展覽，

當然係唔少得的不停試食啦！

完全免費入場！抵過去工展會啦^^

喺台前睇C ALL START 表演

我呢兩個女上台領奬都無怯場^^

保持招牌笑容^^

仲有MAY 姐企喺側面映大合照呢^^

雖然得一個奬牌唔夠分，

但都係一個好好的上台經驗~~

見到隻粉紅假豬，同兩個女簡直係保護色～～好似呀HAHA

本來想繼續去又一城溜冰，

但頒奬禮後已是四點囉～～

爸爸駕車去下金山探下猴子們當係一陣遊算了^^

天台上的農作物

唔知係家庭培育或是小孩天生愛大自然，

我們這一家真係好少去主題公園，

每年最多只係坐一次飛機到外國，

而我家小孩最愛的還是親親大自然～～

今日被舊同事邀請去佢家的天台收割農作物，

SEASA都好踴躍幫手～

一個拎水喉，一個拎幾個盤～

首先收割生菜

大家都好努力！

以後收割白蘿蔔

佢地由頭幫到尾，只是中途大人叫休息飲水才會停落唻

因為收割係成個種植過程中，最有滿足感的一環^^

跟住要幫手洗菜

順便玩下水

我兩個女對洗菜絕不馬虎架!

朋友問佢地咁熟手，係咪平時在家都有幫手？

子澄話：係呀！菜起碼要洗兩三次先可以煮。

如果平時唔落力幫手的話，點會有能力參加小廚神比賽呢？

我地唔係求求其其映幾張相交上FACEBOOK 交差了事！

係實務地洗哂兩大盤菜＋一盤白蘿蔔架^^

我同子澄講：你對衫袖同褲都濕哂啦～～

子澄好爽快地回答我：哎，耕田係咁架啦＠＠

真係比佢笑死^^ 要比佢提返我轉頭呢^^

洗完菜，又要幫手除雜草～～

ALICE 姨姨好有耐性教佢地點除雜草

成個過程起碼兩個幾鐘頭~~

好感恩兩個女一直無抱怨累極要休息或停止工作，

佢地的眼神都話我知，佢地好用心地協助完成任務！

離開後我們終結今天的活動得著，

SEASA異口同聲話，農夫伯伯種田真係好辛苦，

好彩我地只係做一日呢^^

煤氣小學明火親子烹飪比賽

這是我們的第一次~

參加公開賽的烹飪比賽！

之前試過參加學校搞的烹飪比賽，

今次的比賽從全港小學的作品挑選出唻～～

我們還要是全場年紀最小的一隊～～

這是一次很好玩的經驗！

首先SEASA第一次進入一個咁大的廚房學校，

其次係見到咁強大的評判團隊～～

仲有第一次公開煮野食！！

在場的其他參加者，

部份出賽經驗豐富，

九成由家長操刀～～

而我堅持由兩女做主力，我做助手！

由切蘑菇，刮蘿蔔

切洋沖就由我唻～～

至於炒呢個環節，仍是由SEASA 負責~~

佢地平時都習慣用明火煮餸，

唔會姐手姐腳，認真地炒餸

評判問佢地喺屋企練習過幾多次，

佢地答：兩次（無得呃，堅做的^^)

評判仲會問製作過程同埋各種食物的營養價值～～

伴碟的沖花都係佢地自己切的～～

最後雖然只得第四，殿軍～～

但我覺得真係雖敗猶榮！

冠軍的係跟足指示買"羅非魚"本地食材(我連喺邊度買都唔知)

亞軍係開有機農場的大廚爸爸~~整海南雞飯~~

伴碟的都係美感十足的花果等~~

我個女呢碟真係九成由佢地自己整的, 成碟清哂架^^

比賽還是其次，

累積經驗才是最重要的！

而且仲有機會睇人示範煮食～

仲可以即場試食呢碟"羅非魚"!!

下年我地要再接再勵呢^^