幼稚園同學兼好朋友

澄媽又自薦搞K3的畢業謝師宴啦~~

我個人覺得，迪士尼畢業禮真係無聊，

個女畢業關米奇老味咩事呢？

反然學校無搞謝師宴？

我覺得謝師宴比迪士尼畢業禮重要萬倍！

四年的幼稚園生捱，多得各學校職員的教導及協助才可健康成長！

而且我的教育宗旨係學會感恩才會珍惜～～

這兩個星期忙於籌備謝師宴，

亦多謝各義工家長的協助，

這是義工家長的同學們表演採排～～

大家都好期待謝師宴呢^^

採排完畢，又約同學仔食晚飯～～

這次聚會是慶祝韓國仔同學保留原有學校學位～～

真係搞足成個月先搞掂～～

依家先感受到外國人在港生活的確需要協助！

我呢個八卦媽媽又盡力幫忙韓國家長呢^^

小朋友們都玩得好開心～～

我發夢都估唔到，自己會同韓國人做好朋友^^

我們還相約聖誕節一同去韓國滑雪呢～～

因為我的女兒，我的人生出現很大的變化～～

SEASA，是媽媽需要多謝你們，令我的生命得到更豐盛！

大尾篤掘蜆記

學完繪畫，澄爸話想駕車去戶外玩下，

帶埋澄婆婆同澄姨姨一齊去大尾篤食客家菜

以後見到好天又退潮，

即刻走去沙灘掘蜆～～

澄姨姨只係掘左十分鐘左右，

就掘到五大隻蜆啦～～

SEASA 唔知係咪驚我唔比佢地食...

偷偷地就食哂了~~

好彩無肚疴呢~~證明新鮮好味呢^^

全隻 Parma Ham

公司轉左新股東，

今日又搞左個COCKTAIL，

咁老闆亞哥買左隻成萬的Parma Ham，

又話會借哂Ｄ道具比我地。。。

望住條腿，各同事都無從入手，

唯有由我呢個師奶仔操刀

其實我覺得，今次係好難得的機會比我切Parma Ham,

所以我不停切不停切~~

跟據之前見到爸爸的切法去學~~

SENT左D相比爸爸睇，

爸爸話我第一次切已算好好啦～～

全日不知切了幾多碟～～

越切越薄，越唻越靚^^

仲要著住條LV 披肩切，我都算第一人:P

切到後期得返條骨

公司同事仲叫我包返屋企煲湯~~:P

規律而悶蛋的家庭生活

假日好似好忙的家庭生活，

其實，平時日日都好有規律，

放學去一陣公園玩，同朋友建立相處之道，

回到家食茶點沖完澡就會幫手洗菜洗米，

以後就開始做功課！

功課需要飯前完成，否則連飯都無得食:P

跟住就係自由時間，就算出外逛逛都會預留睇書時間。

澄爸同澄媽都不是鐘意拎住本書睇的人，

但生左兩個書蟲～～:P

可能玩具太多無從入手點玩好，

亞媽又無開電視睇的習慣，

在家最有意義就係睇書^^

百忙中澄媽都走去書展入貨，

發現好多書的品種都有了！

所以今次入少左書，只係買左百幾蚊書ONLY

我諗我要暫停買英文書啦~~

這是剛淘返唻的OXFORD READING TREE

咁就過百本~~合共買左STAGE 1-STAGE 9  幾百本啦~~

仲有一早買左中英對照的沙士比亞小說...

有陣時，又會有個無聊爸爸陪佢地一齊練體能^^

日復日咁互相合作，互相鼓勵，互相支持的孖女日子^^

BUY TIME 的日子

澄爸話，買架私家車係為左爭取時間陪兩個女周圍玩，

點為之BUY TIME??

看看以下的行程就知一二。

早上學完畫，同澄婆婆出發去佐敦食按摩豬扒。

以後送澄婆婆回深水埗，

我地去左又一城映相行街～～

見到加菲貓展，當然不停映映映

又走左入去書局打書釘

黃昏時間，回戰尖沙咀，

先行九龍公園，

再去到海港城搵SNOOPY

行行下又見到有車展，

上車映相扮下車模～～:P

再見到可愛的MUSHROOM GARDEN 公仔，

又喺度不停映映映。。。 

去埋海港城食晚飯，

慢步再行九龍公園，以後司機爸爸送返黃埔花園～～

你地話啦～～有個咁識BUY TIME 的爸爸，

架車對佢唻講幾重要呢？？

難為澄媽攰到發左癲啫～～:P

這星期的學校生活

暟澄期待好耐的交通安全城的活動今日開始左啦

成班鴨仔團咁~~

之前同暟澄去過沙田的安全城，

今日去秀茂坪，連我都未去過^^

星期五3號風球，

預左半日家裡活動比兩個女，

點知好友珀寧又邀請去佢家玩，

就係咁，又睇書又睇電視，

再食埋午飯才回家～～

嘻～～唔好話澄爸，子澄及暟澄唔捨得搬離黃埔啦～～

連澄媽都唔捨得呢^^

我的FROZEN CHELSEA & CHELSA^^

有幸在六百幾個可愛女孩中，

被選拔出來映這輯FROZEN的宣傳相~~

應該趁後生玩下, 開心下, 留個童年回憶吧^^

影樓+溜冰+游水

澄媽見FACEBOOK 有好多家長SHARE + LIKE 一個FROZEN 選角活動，

又唔駛錢咪試玩下囉～～^^

只係上載一張相~~竟然有五百幾人參加~~

我都無期望太多!

但竟然即晚被選中了!!

可能因為兩個女年紀相若吧!

如果要錢...我真係唔去影HAHA

但兩個女樂在其中~~

相大概兩星期會免費送成套比我^^

到時可能要放大貼起床頭了:P

跟住LYLY 表妹又約我地去溜冰^^

澄爸係免費私人教練，

LYLY 亦好快識溜啦~~

SEASA 就唔駛講啦~~

已經成支箭咁溜了~~

暟澄仲要見人過人, 一隻牛咁衝....

溜完冰, 三個女出遊逛街,

佢地三個走埋一齊又真係幾可愛既^^

成為成個場的焦點^^

連SET 頭鬼妹都唔放過三個女，

邀請佢地免費SET 頭^^

呢個樣，暟澄仍然好BB女呢~~

佢個樣都好緊張, 好驚^^

續個整曲D頭髮~~

女人的時間就係咁易消耗哂:P

真係UN 頂ABLE~~HAHA

在車上休息一陣, 夜晚又去學游水~~

真係勁勁忙的一日呢^^