結婚十週年～～預早的慶祝

結婚第十個年頭，好想好好慶祝一下！

但正日老公要返通宵，兩個女要參加游水比賽，我又要做水運會工作人員～～

真係忙到出煙！

所以決定提早一日，好好享受二人世界！

老公下午去尖沙咀陪我食韓國料理～～

晚飯，我揀左海港城的呢間英國菜食晚飯～～

朋友在這餐廳做主廚，上次同朋友唻食，

已被呢度既食物深深吸引～～

所以今日瞻粗粗帶老公唻食！！

要知道，過到老公果關的西餐廳不多:P

我主力要求食的焗鮑魚

堅好味!!

呢個都係我的要求菜式~~蠔湯!!

老公飲左第一啖，已話真係從來無喺出面飲過呢款湯！

真係好好飲，好鮮味架^^

以後全都係主廚發板，有蟹肉沙津

又係我最愛的焗磨菇~~

我呢份魚其實就普通左D, 但對於唔係咁食紅肉的我，

其實呢份主菜好啱我，可能只係前菜味太濃^^

老公的肉眼扒...老公讚不絕口!

連薯蓉都讚:P 

本來飲左酒，都唔想叫餐茶，

但主廚朋友話可以倒杯英國紅茶比我地飲～～

呢杯茶真的好飲到不得了！

令成餐飯劃上完美句號～～

晚飯過後，我地由尖咀漫步行返紅磡～～

好幸福的感覺^^

我倆要繼續健康幸福到永遠呀^^