全港小學花劍擊大賽~~冠軍

記得幾個月之前，

因為暟澄訴苦，哭著面對失敗，又成日話比劍咭到好痛～～

當亞媽的認為暟澄學習要有始有終，

就以今次比賽當完美的結局，

但。。。歷史又要改寫了～～

比賽當日，暟澄越戰越勇，

因為勝了循環賽，信心亦大增，

進與攻都做得乾脆利落，

初賽以二次名出線～～

諗住起碼都有第二名啦～～

點知。。。暟澄越打越起勁，

到最後９：３

結果，１０：６。。。。得冠軍了！

好大的面子，由仁川亞運劍擊比賽季軍頒奬～～

暟澄多麼的英氣～～

  

 點解今年無提子澄？？

子澄無比賽嗎？

不是，只因子澄的對手實在太強，

今年只得第五，

但子澄打得都好好，我為我兩個女的努力都感到無限驕傲～

暟澄同子澄的教練，一定要影相留念～～

今天應該是暟澄自出世自今，

覺得最大滿足及成就感的一天！

（不過佢覺得子澄上年隻奬杯大Ｄ靚Ｄ～～ＨＡＨＡ）

傻妹妹^^

一同學習及成長

跟入小學校門接近一個月了，

子澄看來非常適應校園生活，

今日仲勇敢自己走入糖水舖，

幫我叫左兩個糖水外賣

任務完成啦～～

暟澄負責比錢，其他細節野都係有子澄搞掂～～

兩個女都好叻叻呀

至於我～～還在努力適應中～～

係我自己未適應小學的課程，功課模式，

還要為子澄預備各類型資料搜集，演講詞及用品等～～

還要積極容入學校，放工後還要走回學校做義工至深夜時份，

但。。。相信這亦是我成長的學習過程，

過程中了解到，學校職員如何積極為學校及社會出力；

家長會對學校如何投入協助～～

常常說：如覺得自己辛苦忙碌的時候，

望遠一點會發現，比你更辛苦忙碌的人還要多～～

我相信，這12年女兒的學習生涯裡，我還有更多的事情要學習，體驗及領悟^^

又唻停不了的同學生日會^^

九月份又有很多好朋友生日，

一家人出席左兩個開心愉快的生日會^^

第一個係CELIA 的生日會

這些生日會上，可以和舊同學再見面，又可以一齊遊戲食野，

還一齊顯示及見證成長的脫牙照～～簡直係開心時刻^^

今次暟澄都唔執輸，有個同學仔一齊同佢玩～～

呢Ｄ自然流露的攬頭攬頸，咪就係真正FRIEND 底囉^^

第二個生日會在M記渡過

出席無數次的M記生日會，

小朋友們還是覺得開心興奮～

總之，有得玩就開心架啦～～

暟澄王錦輝小學面試日

終於輪到暟澄玩面試遊戲啦~~

呢個女...能力不弱, 但過於嬌嗲又要頗多時間去適應新環境；

未到呢一日之前，暟澄成日話唔鐘意小學，

因為要好早起身，又無得瞓午覺＠＠

但。。。現實終歸現實！

日日同子澄哄佢小學有無限咁多新玩意，

今日來臨了，還是要面對的^^

暟澄的面試LOOK~~

到達學校門口，暟澄都好驚嘆學校之大，

還說為何要上咁多樓梯～～

佢好清楚這是子澄的學校，心理壓力都不少，

召集時職員問佢叫咩名，佢只答：鄒暟澄。。。

雖然不情願再比壓力佢，但還是要提一提佢回答問題要詳盡一點。。。

這時暟澄開始用＂發傻＂，＂亂答我問題＂，＂傻笑＂去放鬆自己，

到知道輪到佢的時候，眼神定一定，呆一呆，

捉緊我的手要我陪～～

事實又係要佢自己面對架麻！

排隊入課室時，仍然遠遠觀望我的蹤影～～

一小時完成面試，

望著暟澄暗笑的表情出來（我真係驚佢喊左出唻:P)

向佢查詢面試問題啦，

佢又一一答得出，而且答案都算唔錯～～

希望靠埋家姐的關係可以順利過關啦！

另一邊箱，由於學校忙於處理４千幾份的面試，

子澄無端端有兩日假期，

相約日本妹同學去海濱南岸午膳後去游泳～～

游水的野點可以少了暟澄一份兒？

面試完後就JOIN埋家姐一齊玩啦^^

中秋節快樂

今年中秋，依舊親戚食飯，依舊相約好朋友去海旁玩，

不同的係，越唻越熱鬧^^

表妹LYLY 同表弟表少都出唻玩，

真係好熱鬧架～～

未齊人已有六七個同學仔企喺度等食生果月餅～～

子澄同學一堆，暟澄同學又另一堆～～

我就要走兩轉兩邊玩～～

本來今日天下大雨，各家長打定輸數搵定有蓋場，

講到明風雨不改。。。

果然...天公造美~~

有男同學同婆婆講，

中秋唔得閒做節因為約左舊同學仔玩。。。

去了灣仔讀書的好朋友幾日前已好興奮同新同學分享，

訴說媽咪已代約幼稚園同學仔，又叫新同學仔快Ｄ叫媽咪WHATSAPP 約同學仔玩

做媽媽的又點想佢地掃雅興呢～～

每個小朋友都盡興而回

這種2 歲就建立的友誼，究竟可唔可以三十年後又映張四朵金花的合照呢^^