2013蘭桂坊萬聖節

澄爸等到頸都長，

等足五年終於可以同兩個女一齊蒲蘭桂芳玩萬聖節！！

 

澄媽放工趕返屋企，

接兩個女坐巴士轉港鐵，

七點去到中環！！

 

咁早去到，仲未有人潮管制！

拿拿臨去蘭桂芳內食野，

出到餐廳已開始人多！

 

喺蘭桂芳行左個圈，

暟澄初時都有少少驚！

子澄就。。。。笑哂囉～～

 

 

仲要我幫佢地化妝～～

 

 

佢地搵親都係老外映相咁滯:P

 

 

子澄呢個造型，謀殺左好多人的菲林^^

 

 

 

 

 

亞爸一帶住呢個面具，

群情亦非常澎湃！！！

 

 

暟澄被呢個IRON MAN 深深吸引，

主動要求映相！

 

 

大概九點離開，回到家十點，

沖完涼十點半瞓覺！

玩得盡興之餘亦乎合澄媽的灰姑娘政策要求^^ GOOD

 

海洋公園哈囉喂全日祭2013

我的生活就係咁忙!

其實應該留一日半日比自己休息下!

但...唔想浪費時間休息了!

今日又同兩個女去海洋公園，感受萬聖節氣氛！

 

 

 

呢個南瓜展好值得去～～

 

 

子澄同暟澄見到呢Ｄ南瓜刻畫一丁點都唔驚～～

當然啦～～我地以藝術眼光去望麻WAHAHA

 

 

 

全部都係真南瓜! 超靚的藝術創作!

 

 

全程唯一可以模的大型真南瓜!

 

 

指定映相位置~~

 

 

兒童樂園亦有個鬼屋，

兩個女都唔驚，行左兩次～～

 

 

 

 

 

 

今日暟澄都升左LEVEL~~

夠膽玩呢個跳樓機!!

佢地玩到上癮咁，每人玩左六次都有！！

 

 

 

喺兒童樂園玩到1300，睇埋雀鳥之王劇場，

我地就上企鵝餐廳食野！！

 

呢兩條友見到呢個模型，

仲就去搞人地個鼻哥抓鼻屎＠＠

 

 

又係去海洋公園的指定動作！

 

 

不同的係今日有萬聖節兒童餐！

 

 

 

接近黃昏，鬼怪開始出現啦～～

 

 

天真爛漫的笑容＋無憂無盧的童年！

這些笑容要讓它持續到永遠呀～～囡囡！

 

 

坐車落返山，又見到有人派貼紙～～

 

 

 

天光時間同鬼怪映下相，

睇下子澄笑得幾開心！！

 

 

佢地仲話唔驚鬼喎WAHAHA

 

 

 

 

珊瑚妖又同佢地玩遊戲，請朱古力比佢地食

 

 

 

 

 

今日佢地真係玩得超開心呢^^

德雅面試+亞公生日飯

只係報左四間小學，

其實我呢個亞媽都頗輕鬆！

問心，子澄的能力去到邊我一定心裡有數！

私直校收唔收我都係貫徹始終咁教個女～～

一切的安排，純為比個機會子澄及做些母親應該做的責任！！

 

德雅面試時間，帶埋暟澄去公園玩住等子澄～

 

 

面試半個鐘完成，

子澄話識哂喎WAHAHA，

點都好，醫左肚再帶佢地行THE ONE 先去學劍

 

 

 

 

今日黃埔花園已經有職員扮鬼扮馬同派糖

 

 

夜晚，又係亞公飯局的時間，

不過今晚都係無帶兩個女出唻，

一來已陪佢地整個早上及下午，

二來今晚係BBQ，無飯無麵又熱氣，

三來明天預備左成日都係陪兩個女，

所以大條道理今晚又去拍拖^^

 

尖沙咀區，每位$220任食

 

 

其實。。。今晚感覺好幸福～～

成班猛男負責燒野食比我地食～～

故不論好味與否，誠意都夠啦！

當然到最後都係要出手燒下蒜蓉包及雜菌蔬菜類～～

不過今晚的安排一定係覺得超幸福呢^^

 

 

十月仲要係亞公成立紀念月

 

 

 

我們的合照

 

難得的盡慶夜

成日掛住陪兩個女，

都要抽時間陪下老公！

點解我會為呢次的聚會寫BLOG 呢??

因為真係好耐無唱大人K (細路搶咪唱兒歌的唔算)

同埋我今晚出奇地飲得超多酒,

超HIGH (但無醉), 同埋玩到零晨三點半!

係近年的紀錄

 

 

識左佢地十年，

個個變哂中年漢，

樣變了，生活質素變了！飲酒量變了!

唯一無變的應該係友誼永固吧^^ 

 

杜子晴生日BBQ

今日輪到暟澄的同學仔搞生日會~~

BBQ PARTY~~~

杜子晴媽媽好落力咁整左好多野食呢~~

 

 

 

小朋友的天地

 

 

 

 

 

 

 

 

 

小朋友除左食同玩之外,

仲有回禮禮物，

玩得超開心！！

依家的細路真係好幸福！

放學仲可以一齊聯誼玩到九點幾！

我地果時，放學就放學架啦~~仲邊有咁多節目:P