金山郊野公園+沙田遊

澄豬瞓醒後就走入唻問：媽咪，今日去邊度玩呀？

好開心你地咁有活力及精神^^

澄爸及澄媽樂意奉陪呢^^

 

先唻個早餐+午餐~~

飲茶飲到厭了~~去左屋企樓下的潮家館食潮菜及飲功夫茶

 

 

今日的目的地係金山郊野公園~~

呢期秋風起鐘意帶佢地去行山

 

 

第一次見到水塘

 

 

 

 

 

澄豬終於有自己的相機周圍映映映^^

遲D澄媽要整返本"澄影集 "^^

 

 

沿路不單多馬騮，仲多黃金！！

澄媽唔小心仲中左頭奬:P

 

 

馬騮們其實好惡又肚餓～～

望佢地兩眼已經兇你！

你又唔可以喺佢面前做出開袋動作～～佢地以為有野食！

同埋部份好驚人，應該係有被虐前科～～

我地都係遠望而且來去沖沖^^

 

去完金山郊野公園仲有好多時間，

約左麻麻行沙田～～

當然唔少得SNOOPY LAND^^

 

 

 

仲走左去睇左半小時以上免費3D電視：Ｐ

 

 

麻麻話新城巿廣場好迫人，

澄媽建議去宜家食野！！

真係第一次去，食物平靚正！！

 

 

亦因為澄豬有個機警的澄媽WAHAHAHA

本來咁多人排玩波波池, 要等兩小時才到澄豬玩!

但食飽野我問下職員姐姐有無WAITING LIST~~

佢地話有!

就係咁，我地成功連貫活動，

食飽一陣去玩波波池～～

澄豬當然超滿足啦!!

 

 

晚上還去了OUTBACK 食意粉!!

一坐低就有填色冊及顏色筆贈送，

兒童COMBO 餐$46可能兩份食!

仲有無盡的好味包~~

OUTBACK 應該成為澄豬的最愛餐廳之一了^^

 

 

奧福音樂+9月亞公生日飯局

呢個星期六及日都好忙，

今朝參加左學校的奧福親子班～～

今年學生主力推廣奧福音樂！

雖然呢朝的活動因為個半小時，

又安排左N-K3的學生而於後期有一點點混亂，

但澄豬由頭至尾都非常投入去學及玩～～

 

 

奧福音樂的好處，

係以國語講故事之餘加入音樂原素，

從中學到音樂欣賞，樂理，拍子，數學，及國語等！

 

 

 

大家都玩得好開心～～

 

 

玩完奧福又趕去參加恒常課程～～

真係要回家睡一睡，

醒左又去佐敦參加亞公飯局～～

 

 

今晚雖然爸爸要返工，

但澄媽希望子澄同亞公朋友玩得盡興，

又係一拖二照顧佢地全日^^

好彩兩個女食又乖,

玩得又開心^^

 

 

 

 

 

最重要係,今次係蕃薯叔叔的生日飯局!

澄爸同蕃薯叔叔咁老友,

我地都要做代表出席啦^^

蕃薯叔叔生日快樂^^ 

 

小學選擇

記得澄媽由什麼都不懂，

只聽聞名校要宗教分喎～～

那間幼稚園可以直入某某名校等等；

直至現在，差不多港九新界的學校都懂了！

就是希望搵一間適合兩女讀的小學～～

 

或者有人會話：名校好！派位成續好！點解唔入教會拎宗教分！！

揀二線學校會後悔！！活動教學上到中學會辛苦！！

 

從家庭及學校的觀察，

澄豬都是自我要求高的人！

佢地未必係最叻最強～～

但會自定目標，勇於嘗試，不喜愛被迫做野！

有自信的話會越做越好；屬於穩中求勝型^^

 

 

所以澄媽的立場好明確：

宗教由兩女有思想後自我選擇！

佢地讀得到的話，任憑學校派位成績得三成入英中BAND 1都係佢地襄中之物

讀唔上的話，學校九成直上名校都唔輪到佢地！！

我的責任係跟據佢地的能力去支持佢地！

以佢地為本的學習！不是為名校而學習！

 

難定怎樣為之愉快學習～

但循序漸進的學習而不作過份催谷，

讓澄豬有課餘時間享受親子時間，自由空氣會令大家都更健康^^

 

再看看名校的時間表:

0630上校車，每日上十堂，午飯半小時，

沒有導修課！再選課外活動，加強音樂培訓～

或者大概1630回到家，再做十幾樣功課！！

好彩的話飯前完成後溫書；

唔好彩的話功課至2300，瞓醒再繼續非人的生活！

 

我的信念係將心彼己！

明天叫我朝六晚四返工後加ＯＴ至零晨過六年的生活！

我會係第一個企上天台跳落唻，唔駛辛苦一了百了的苦學生^^

 

升讀小學不是窮途末路!

亦不是洪水猛獸～

我地應該相信及感恩小孩成長到另一個階段～

不要讓社會的歪風渲染自己的兒女！

認識小孩的性格去選擇，

比起為左名氣催谷小孩更重要！！

 

我常常難以理解家長的說話：

唔谷過點知個細路唔谷得？

入左名校頂唔順的話，小三出到唻唔愁無學校收！！

 

試問人生有幾多個童年可以讓大人試探而不留下陰影？

人生總會有崎嶇不平的時候，

但我們一家一直都算好好彩！希望這些運氣繼續伸延至澄豬的學習，

該她們得到適合，適當的小學生涯，豐盛人生^^

 

天兔強颱風

唉...放假先唻打風~~

還好，玩了兩日，

係時間在家靜靜地過一天～～

 

在家都可以好充實～～

繪畫，自設遊戲，運動練習又過一天～～

 

仍然希望澄豬多一點的留白時間～～

她們自設遊戲，豐富創意，

比起大人預設十項全能更覺自由自在～～^^ 

 

 

樓下的榕樹都被破壞了@@

颱風真的好可惡!!!!!

 

太婆生日快樂2013

 

一年一度太婆的生日壽宴又順利舉行啦~~

澄豬慣常扮靚靚參加壽宴~~

 

仲要唱下飲歌~~世上只有

 

 

佢地最開心就係見到公公~~

 

 

又會自娛~~

 

 

 

同澄媽自拍下先~~

 

 

一家人的合照

 

 

 

又係表演唱生日歌的時間

 

 

玩到癲左:P

 

 

再一次恭祝太婆生日快樂, 身體健康~~生活愉快!

 

中秋節快樂2013

中秋的假期，

永遠都係澄媽最忙的日子，

亦希望這種忙碌直到永遠～～～^^

 

不過，今年起有兩個小幫手幫我整野食，

我還可以輕輕鬆鬆約朋友食飯同埋做自己的野～～

只是早一點起床，加點咖哩煮一煮~~^^

 

 

今日破左大會人數記錄~~30人的做節，

好熱鬧，好有做節氣氛～～

 

 

 

看看鞋海幾宏觀～～

 

小孩都喜歡中秋，

可以玩燈籠，約朋友一齊賞月～～

今晚澄豬又有約啦～～

 

 

澄媽幫佢地約左同學仔去海旁賞月～～

越夜越熱鬧

 

 

 

 

 

 

玩到十一點，迫先肯離開:P

今晚的月色特別圓~~

希望每年都人月兩團圓啦~~~

 

 

 

 

 

親子填色比賽

話明係親子填色比賽，

我先有落手同個女一齊搞～～

不過鄒生不是太滿意，認為我係怪獸媽媽，

好似幫個女做功課！！

我再三聲明呢個係＂親子＂填色比賽，

同埋係唔計分的:P

係我技痕想畫下野：Ｐ

 

 

原稿

 

 

我用左一個午飯時間繪畫初稿

 

 

以後兩個女負責填色

 

 

出間都無所謂啦～～

呢個比賽係K3班參加的，

K3小朋友填色不是太公整吧^^

 

 

有點缺憾美才叫親子填色比賽麻^^

 

 

大功告成!!