CHELSEA 第一次代表學校出賽

感受得出我的傻女兒好緊張：比賽的前一日無端端咬左我三四啖。。。

今日全家到場為你打氣~~

我知你嘗試用不同的方法為自己減壓,

但到場唔夠十分鐘，你因為擔心聽唔到叫名而痛哭起上唻～
我知你已用左好耐時間忍住緊張的淚水！
澄媽一邊安撫你，一邊支持你，

再不停想盡方法去協助你放輕比賽心情～

最難得及感恩的，係我見到你的隊友對你默默支持，

喺比賽的時間從旁建議及加以安慰，

肉緊程度可以跟我比美^^

循環賽對4個,

5人之中，你以第2名出線，

再入24強淘汰賽，

直至8強遇上教練的女兒～～真的要輸得心服口服了！

喜見你由"亂哂籠"咁打，

到中段開始回復狀態。

及後你話我知唔想進入決賽！

或者你唔想嘗試失敗，

但澄媽話你知，未試過就放棄就註定你會輸！

但不論成敗，嘗試享受比賽，享受每一劍的得失才是運動家精神！

決勝的一仗你係輸0:10～～

你不單無喊，反然話我知佢真係好勁！

你越戰越勇令我無限為你而驕傲！

因為隊友都進入16強，

大家都深信是次能得到團體奬譽榮。

午飯後再返回場地等結果，

一群淚如雨下的小女孩好快又平伏心情，

為其他隊友做拉拉隊打氣！

我續個問你地：依家心情如何？還有因為輸了而唔開心嗎？

大家異口同聲話我知：無囉～^^
你地天真的笑面，樂觀的心態令我更慶幸子澄有你地做佢的隊友^^

三十幾個對手，當中遇見幾個幼兒時的劍友，

曾經認為係宿敵的劍友已喺頒奬前離開，

子澄憑第八名得到個人奬牌！

子澄常常掛在咀面，

說這位教練好惡，子澄好驚佢～～
令子澄唔想練劍擊！
但今日直接同教練對談，

我發現教練其實非常愛錫子澄，

只係愛錫方法與我家有異！

今日我用左一段時間同子澄分析教練對佢緊張之心！

我相信領悟力強子澄會明白教練的苦心！

今日A-SCHOOL 的成績非常不錯^^

仲要同SEASA 最愛又靚女的體育教練合照呢^^

子澄，你要好好記住今日的所有眼淚、汗水及奬項，

全部都係你學習旅途上其中一次印記。