結婚十週年～～預早的慶祝

結婚第十個年頭，好想好好慶祝一下！

但正日老公要返通宵，兩個女要參加游水比賽，我又要做水運會工作人員～～

真係忙到出煙！

所以決定提早一日，好好享受二人世界！

老公下午去尖沙咀陪我食韓國料理～～

晚飯，我揀左海港城的呢間英國菜食晚飯～～

朋友在這餐廳做主廚，上次同朋友唻食，

已被呢度既食物深深吸引～～

所以今日瞻粗粗帶老公唻食！！

要知道，過到老公果關的西餐廳不多:P

我主力要求食的焗鮑魚

堅好味!!

呢個都係我的要求菜式~~蠔湯!!

老公飲左第一啖，已話真係從來無喺出面飲過呢款湯！

真係好好飲，好鮮味架^^

以後全都係主廚發板，有蟹肉沙津

又係我最愛的焗磨菇~~

我呢份魚其實就普通左D, 但對於唔係咁食紅肉的我，

其實呢份主菜好啱我，可能只係前菜味太濃^^

老公的肉眼扒...老公讚不絕口!

連薯蓉都讚:P 

本來飲左酒，都唔想叫餐茶，

但主廚朋友話可以倒杯英國紅茶比我地飲～～

呢杯茶真的好飲到不得了！

令成餐飯劃上完美句號～～

晚飯過後，我地由尖咀漫步行返紅磡～～

好幸福的感覺^^

我倆要繼續健康幸福到永遠呀^^

太婆生日快樂

一年一度，中秋翌日的活動，就係出席太婆的生日壽宴～～

今日SEASA 升LEVEL，學懂少少打麻雀方法，

所以不停嚷著要同我打麻雀～～

麻雀都有好多種玩法～～^^

一副"OH MY GOD"的樣子...

今年特別邀請大陸親友唻香港食壽宴

最開心一定係太婆呢^^

祝太婆生日快樂，福如東海，壽比南山！！

中秋團圓

每年中秋都好忙，

今日係星期五，先去余氏食中秋中節飯～～

出發前，暟澄回到家已好乖坐定定做功課！

呢個女真係好鐘意返學^^

今晚餸菜好豐富

大人細路都食得玩得好開心

星期六，迎月日，

預約翠絲媽媽同可兒ＢＢ玩～～

去左泓景台的會所；

大型的室內遊樂場已關，

唯有去BB 室內遊樂場玩下~~

呢位可人兒平日好少同姐姐一齊玩，

感覺非常戰戰兢兢^^

今日係迎月日，專登去呢度的迎月攤位玩下，

感受下氣氛

去返翠絲娘家，兩位小姐食外賣飯盒的模樣。。。真失禮～～

今日另一個目的，係同可兒預祝２歲生日，

可兒見到生日蛋糕超開心

送給可兒的生日禮物～～

中秋正日，例牌在家做大廚，同鄒氏慶祝

夜晚又係慣例去紅磡海旁撞彩搵朋友一齊玩～～

通常越玩就會越多小朋友一齊歡聚^^好開心的一晚

難得的9月假期

睇唻，我的日誌好快又變成週誌了^^

實在忙得不過氣來!!

學校搞小一面試，例牌有兩日假期，

今年學校又有過四千人報名了^^

雖然有假，但都好忙～～

忙完家課，再忙溫書，以後就係私人時間！！

星期五，約左幼稚園同學仔探老師

星期六，首先去沙田圍大排檔食午飯

這裡已成為我地的飯堂！在其他地方食唔到的新鮮咸雞！

堅有鮮味，堅好食！

細時亞婆原隻活雞買返屋企煮的味道返哂唻！！

有時真係覺得，我們這一家已成為沙田友了！

 

食飽飽，今日決定挑戰大美督，汀角路

這是暟澄學懂踩兩輪後，第一次踩街

澄爸已經要佢地踩到去觀音廟斜路之上！！

我非常感恩，問兩個女愛假期去運動還是去迪士尼？

佢地都異口同聲答想去做運動！！

點解我生左兩個女都唔鐘意去迪士尼呢？？？哈哈！

應該係家教問題:P YEAH~~

來回觀音廟真係幾吃力架!

大美督優勝之處係多餐廳，方便休息

初時我驚兩個女以為自己好鬼醒，踩兩輪會亂沖亂撞！

幸好每次見到橫巷馬路時，的確會停一停，左右望

有父的女兒真像寶寶^^

這裡的租車店很好，玩厭單人兩輪單車後，

肯無條件換架四人家庭車比我地玩～～

兩個女好享受唔駛踩單車，被服侍吹海風的時光！

又可以貪得意玩下

大美督還可以放風箏及划船！

不過今日澄爸太攰，選擇買泡泡比兩女玩，

$12又玩到樂透半邊天^^

星期日，

澄爸澄媽先要搞親愛的表弟的過大禮事宜！

這是余氏繼我的婚禮後，相隔十年的另一重大喜事

而今日我的身份係。。。。。好命婆。。。！！！

四代同堂的我同老公，

在聲勢浩蕩的情景下，大搖大擺過大禮去～～

未來表弟嫂係新界村民，

傳統禮儀少不了！

過大禮後，又趕回紅磡陪我的鄒氏FAMILY~~~

未到萬聖節，SEASA 已收到兩大袋扮鬼扮馬服飾及面具...

真係多謝各位親戚的厚愛呢!