秘沖尋根之旅~~第一天

大家期待已久，我就緊張籌備已久的24人秘沖之旅３日遊終於展開啦～～

這個月裡，大陸不停的斬人傷人恐怖活動等，

被好多人勸阻延期旅程。。。。

時間又點會等我地呢？我同傑都希望趁亞爺健壯時還佢心願，

亦難得天公造美，大家抖足精神出發啦!!

等車時間無聊映相

無聊蓋印~~

上左車啦~~半卡車廂都係自己人

傾下計，玩下咁又過左兩小時到達目的地，

我專登搵一間超近火車站又新淨的酒店住～～

無行錯路，五分鐘就到

攞左９間房啦～～

亞爺精神還不錯呢

大家放低行李，就出發去搵食啦～～

因為人太多，每餐我都訂左兩間餐廳食飯～～

而且希望種類不同，食在廣州麻^^

今日午餐食火鍋特色魚

仲有拉面功夫表演

午飯過後係自由活動時間，

SEASA當然揀左去游水啦~~

泳池不好大，但亦無咩人

就係咁，我地又包左個場～～:P

游完水，沖埋澡，好快又到晚飯時間！

今晚安排喺酒店內食飯，

因為大家都攰啦～～這是最緊要方便舒服的旅行團^^

鄒氏第二代

鄒氏第三代

鄒氏第四代

這裡中菜部亦有全聚德分店，所以親友都話要食片皮鴨

超豐富的一餐

食飽飽，有係餘慶節目時段

明天一早便向泌沖鄉下出發啦～～^^

預備學校生日會

這個星期的心情好像過山車般，

除了忙端午節假期的24人泌沖回鄉旅行團的行程外，

還要忙預訂生日蛋糕，預備生日會的食物，

最慘係，暟澄的老師車輪轉咁不停轉，

其中一個資深老師又放產假去了！

我的心情因此而沈重！！

總覺得暟澄比較需要穩定的環境成長，

太多的轉變怕她未能適應，

希望暟澄不會因此而感到徬徨啦～～～

講返預備學校生日會事宜～～

原來依家Ｄ生日蛋糕真係好很貴＠＠

我仲要買兩個蛋糕。。。。

幸好聖安娜出左隻DIY蛋糕，一磅200蚊左右仲可以自己設計個名的擺設~~

兩個女見到又好開心想買，咁就慳返唔駛買BARBIE 蛋糕啦^^

搞掂個蛋糕，再去AEON 買埋壽司材料，

今日我要一朝早成個鐘頭起身預備食材～～

以後，最煩的係。。。。兩個女要親自操刀，

否則一個人整其實係快捷好多:P

佢地話要整比老師同埋同學仔食

完成品~~

每人一盒

仲要扮到成個公主咁返學校開PARTY~~~

呢條公主裙兩個女真係幸左好耐架啦!!

難得有蕃薯叔叔的公司專做呢類服飾，

又可以贊助佢地著靚靚裙～～

各位UNCLE AUNTIE 的贊助真係令澄媽年中慳唔少^^

希望今日SEASA過一個開心難忘的學校生日會啦^^

黃金海岸

夏天，一家四口多數避不了變成黑珍珠黑炭頭的宿命:P

因為一有假期，一有陽光就會直沖往沙灘同太陽伯伯玩遊戲。。。

黃金海岸的好處係：有免費帳篷，有小食享，有餐廳，有大型街泊停車場～～

而且識路的話，唔駛半小時就駕車到達啦～～

呢個澄爸爸輪住抱住佢的兩個小情人游水～～^^

呢期暟澄轉強!

自己不停游不停游，來回起碼十幾廿次都唔係罷休！

直至澄爸話攰要換衫，

佢先乖乖上岸玩沙^^

久違的陽光~~

玩左三小時，

已到下午茶時間，兩女仲堅持要繼續玩！

澄爸無佢地咁好氣，話要坐係餐廳食個痛快～～

結果澄媽買左兩個外賣飯比兩女同工人留喺沙灘食，

我同老公去撐枱腳^^

由1230玩到1430，

一上車，兩個女就進入睡眠狀態～～

第一同老公行汀九線~~

今天係充實又愉快的一天^^

澄爸爸生日快樂

今日係澄爸爸的正日生日~~

十年前的這二天，

我和澄爸爸在沖繩定下婚約盟誓，

今天我們決定湊左兩女返學後，

到與海洋有密切關係的西貢暢遊～～

這個停車場真好，平日每小時$10，好多位！

食左早餐後坐貓記出發往半月灣，

其間有其他遊客參觀西貢環海遊，

順住個勢我地又免費聽多Ｄ，學多Ｄ，睇多Ｄ～～正！！

像大象的石

左石似獅子，右石似猿猴

大概11點到達半月灣，

好靚的海洋～～

在香港，最愛的仍然西貢的海！！

本來預計大約３點回程，

點知發現天氣轉壞，

提出2點回程～～

真係天有不測之風雲！！

在西貢街巿街及海旁街逛逛，

由當地人介紹食金輝海鮮

$388四餸，其中一碟炒聖子係失望的，

其他的都ＯＫ

好少機會搵人映合照係滿意的。。。

呢次都無例外:P

食飽飽駕車回家，

預到黃雨～～驚險度好似打緊機咁。。。

好彩平平安安回到家^^

等SEASA 做哂功課後，

澄爸爸又同兩位小情人慶祝生日^^

三條友揀左去和民食大餐~~

食飽飽，又周圍行下映下相

子澄不停問：爸爸生日喎，我地食咩甜品呀？？

呢個女越唻越醒目。。。亞爸生日幾時一定要食甜品呢？？

其實係佢自己想食囉。。。

當然，澄爸唔會托佢手踭，

就係咁入左去HAAGEN-DAZZ買左雙球雪糕三父女撐枱腳食到最滿足為止^^

老公生日快樂，祝你和你一家身體健康，順順利利，開開心心^^