2013暑期第四擊~~海洋公園AGAIN

因為堂哥派到一間理想中學，
澄媽應承左請佢去海洋公園玩，
臨近暑假尾聲，終於搵到一日約埋去玩啦～～

澄媽一拖三出發（自己都覺得好勁ＨＡＨＡ）
先去Ｍ記食個早餐



今日係暑假平日～～
唔知點解超多人！
好彩我地直踩入兒童樂園玩！
今次連海洋館都無去到：Ｐ

例映相位置～～

雖然嵐哥哥接近大十年，
但都係同亞妹去兒童樂園玩ONLY~~:P

因為嵐哥哥都驚太刺激的機動遊戲~~

呢部跳樓機已經係佢的極限，
仲要比子澄捉左佢去玩兩次:P

子澄個樣似超滿足HAHA

海洋公園下下轉角色，澄豬就次次都要不停映相＠＠

今日超級熱！
最涼快都係入冰極餐廳食野的時間：Ｐ
一邊食野一邊睇企鵝！！正！

呢間餐廳，係成個海洋公園坐得最舒服，
價錢最得宜又最好食的一間！

不過記得要帶定外套及衣服更衣(玩到濕哂入冰涼地方好易中招!!)

唔想排隊啦～～
來回上山都係坐海洋列車！！
又一涼快位:P

唯一要排隊的機動遊戲~~就不停比大陸人打尖!!
澄媽都忍唔住又做俠女出聲!!
好彩無造成太大的爭吵，仲得到好心香港人協助呢^^

玩到1500，第一個叫攰的竟然係嵐哥哥:P
所以都早左起程回家啦^^

2013暑期第三擊~溜冰獨立日

 

轉左場去又一城後，
其實方便左少少～
而且又一城食同玩的種類都多Ｄ
今日跳舞後就去溜冰啦～～

兩個TOP MODELSSSSSSSSSSSSSS

加個慈父^^

溜冰前去左食越南菜~~

子澄自定要同澄媽自拍^^

溜左兩個鐘，溜到澄媽骨頭都散哂～～
但暟澄溜到唔願去洗手間，
夠鐘時又唔願走～～
雖然跌了很多次，但都無損佢對溜冰的熱誠！
抵佢有幾何級的進步^^

 

2013暑假活動

 

暑假，除了每星期三次的游泳課程，一次的跳舞課程，一次子澄的恒常課程，一次表姑姐的英語會話課程，
其他時間都係由澄媽設計的在家活動：
有數學邏輯練習，買餸格價，烹飪課，勞作繪畫課程，英語會話，閱讀時間，互動講故事，趣味學漢字，戶外運動，遊戲時間等，
我覺得佢地的暑假已足夠有餘的豐富啦HAHA

2013/8/20
買完餸，煮左個意粉及豉油雞翼，芝士三文治，
中午拎去和黃公園，等埋媽咪LUNCH 時間一齊野餐

去和黃公園當然會寫生及去遊樂場玩啦^^

英文閱讀方面，經表姑姐介紹下，
買左成套112本OXFORD READING BOOK (STAGE 1, STAGE 1+ & STAGE 2)
仲可以用作英語會話使用^^

勞作繪畫方面，
澄媽都由朝諗到晚，只希望澄豬HEA 住過暑假之餘亦過得充實^^

自從瘋狂購書買比兩個女，
又發現兩個女超愛閱讀，
澄媽將買衫，買個人用品的錢都買哂書了！
澄媽咁大個女，真係無試過咁買書比自己睇:P
上拍賣網見到成套莎士比亞中英對照的二手書，十二本只係$49 ~~
雖然係中學LEVEL，但澄媽已忍唔住買下來^^
經典書藉永遠都唔會驚唔啱用呢^^

2013暑假頭炮

 

終於都開始放簡短的2013暑假了!
一連兩星期的暑假，簡單而豐富的節目，
雖然老師提我開始要溫書，玩記憶遊戲～～
不過，人生有幾多個暑假呀^^
還是痛痛快快玩個夠再算了：Ｐ

第一擊：塗指甲
貪靚係女生的天性，
本來我都係一個緊張媽媽：指甲油多化學物呀，無益呀等等～～
但經親戚提了一句：少少貪玩貪靚咪由得佢地囉～
起碼佢地唔會一炮過好奇呀麻！
又係喎！！少少玩下，佢地又幫我塗下又可以增進親子關係，
佢地又開心～～一次半次無所謂啦^^

三母女就係咁，塗到Ｄ指甲七彩顏色！

第二擊：去探下舊朋友啦～～
今日去左探ELLA~~
佢地由陌生的感覺好快變成老死咁搭哂肩膀~~
一拍即合超老友^^

第二擊：上水渡假村～～:P
即係爺爺麻麻家：上水宿舍呀^^
入面有兒童室樂遊樂場，
康樂設施，兒童泳池！綠草如茵~
餘興節目係全天候電視～～
仲駛咩坐飛機周圍去玩呀HAHA

三日兩夜的上水之旅，當澄爸爸媽媽接走時，
子澄送上呢張紙比我(酒樓得閒時繪畫的)！
其實，子澄的創意及對英文的愛好程度，係我意料之外的驚喜呢^^

尤特颱風

 

尤特颱風來臨的日子，兩次不用返學～～
好啦～～在家無野做，兩個女跟工人去超巿買餸格價後，
回家煮飯比我食就最啱^^

今日學整洋蔥蕃茄叉燒炒蛋~~

賣相ok架~~係映相果個唔掂啫~~(澄爸攝)

味道都一流~~
澄媽專登回家食午飯, 就係為左試食兩個女的手勢呢^^
色香味俱全^^

第二日正是八號颱風的日子, 百無聊賴，
澄爸帶左兩個女望下白頭浪

三個癲婆陪老豆去癲@@

澄爸話要親身感受先知威力@@

之後就同澄媽拍下拖, 去酒店食午飯~~
因為我地想喺安全的環境下望下八號風球的海景^^

Emily at 08/22/2013 10:01 am comment

三個癲婆陪老豆去癲~您的形容笑C我吖~

傑思SEASA at 08/26/2013 10:05 am reply

事實已擺在眼前:P

愛護動物協會賣旗日

 

醒來的時候，天氣還是陰晴不定～
幸好大概九點半續漸見到陽光！
決定照計劃帶澄豬去賣旗

套衫同怪獸大學好鬼襯～～
一齊映張相先！



再睇下～～其實澄媽專登同愛護動物協會襯埋一SET 顏色:P

行出街，個個都同我講國語唔肯賣旗～～
又好好彩比我遇到個肯捐兩張紅衫魚的善心叔叔！
對於今日的賣旗成績都好滿意～～

跟住又周圍行街睇野！
過了一個充實的週末呢^^

Emily at 08/08/2013 05:01 pm comment

依家好多人都唔會買旗, 不過您遇到好心人~ 而且賣旗確係小朋友一個好好的體驗~

傑思SEASA at 08/09/2013 12:26 pm reply

依家有好多機會比小朋友嘗識做義工 (ELLA 都去過老人院) 賣旗可以讓小朋友盡公民責任, 貢獻社會之餘， 又可以讓佢地接觸多Ｄ陌生人，放膽向人提出要求， 又明白人情冷暖的感覺！ 我都有同佢地講：買唔買旗係別人的選擇！我地最緊要係用綿力做好本份，幫助有需要的人和事^^