學校生日會~~三色啫喱

 

每年學校生日會，
澄豬都會預備食物請同學仔食～～
今年整三色啫喱！！

因為要整三層顏色，
所以要分開三日整：
星期二：低層～黃色芒果
星期三：中層～紅色士多啤利
星期四：上層～綠色蘋果／深紅色可樂＋芒果粒

日日都好努力咁整整整。。。



整好啦～～兩姐妹扮靚靚，預備連生日蛋糕返學校開生日會啦～～

以前我地個年代，開生日會係收禮物，
依家開生日會，係多謝別人分享自己的喜悅，
學懂感恩，分享及道謝！
其實都係好方向，但澄媽唔鐘意派糖～～
鐘意由子澄親自預備食物^^

 

親親大DUCK DAY~

 

上次只係探左細DUCK，
澄豬好期望可以去探大DUCK，
又要等埋澄爸一齊去～～仲要遇到好天氣的一天！！
難得今日人齊，天公又造美啦^^



澄豬見到大DUCK都好興奮～
又嚷著要同工人姐姐一齊映相～～

可以容許我喺私人的BLOG 上讚讚自己的女兒嗎=^^=
我真係覺子澄同暟澄真係越大越靚呢HAHAHA：Ｐ

今晚澄媽想帶佢地食鴨鴨餐，
但間間餐廳都話賣哂（屈人入去食野既＠＠）
不過算啦，搵間有兒童餐及海景睇的餐廳都一樣咁正！！



至從澄媽同澄豬分享了埃塞俄比亞的相之後，
佢地都好珍惜自己的食物！
今晚佢地的兒童餐一粒不留全部自己食哂呢^^

 

 

 

 

 

 

 

Emily at 06/01/2013 12:55 pm comment

澄B真係愈大愈靚女吖!仲有又乖又聽話~Good girls!

傑思SEASA at 06/03/2013 03:55 pm reply

THANKS EMILY EE~~^^

與好友去海洋公園

 

記得澄媽幼稚園的時候,
媽咪帶我去玩的活動就係商場WINDOW SHOPPING，
或去跟佢去美容院呆坐，
而今年澄豬已是第四次去海洋公園了！！
仲要係澄媽約埋佢地的同學仔一齊去玩～～

佢地有佢地的天地！
一齊建議行程中～～

去完海洋館就去兒童樂園～～

今日清晨六點仲係打雷落雨～～
估唔到海洋公園遊的天氣只係焗但焗唔出雨:P

暟澄有時只想同澄媽拍下拖，坐下摩天輪～～

子澄就成日同朋友仔洛怡做孖公仔～～
剩係玩跳樓機都玩左三次～～
兩個細妹只有望住兩個家姐玩！！

玩完山下玩上山～～
子澄去海洋公園之前，
我問佢駛唔駛同洛怡商量午餐食咩？？
會唔會整野食午餐～
佢話唔駛啦！佢地商量左去企鵝餐廳食午餐喎。。。。。。

嗯。。。４，５歲人仔，有哂主見，
有哂編排，連食咩都話哂事。。。只係爭在未有錢消費＠＠



呢間企鵝餐廳雖然貴左Ｄ，食物好彩唔算難食:P
而且有企鵝相伴~

 

不過真係超凍@@

去完北極，又去左熱帶雨林:P

玩到三點半，澄豬坐吊車返落山，
喺時候回家休息啦～～

小朋友的世界，永遠都係創意無限，體力無窮～～

我同澄豬協議左，
佢地介紹多Ｄ朋友比我同澄爸認識，
我地可以一齊安排多些活動一齊去玩呢^^

小魔怪教主 at 05/31/2013 09:16 pm comment

咁妳有冇記得我當年成日帶你同亞妹去公園玩呢?

傑思SEASA at 06/03/2013 09:51 am reply

公園玩都實有:P THANKS~~公園呢D佢地真係日日去~~海洋公園的遊歷真係等如我前半生的次數:P 仲要係唻緊呢半年仲陸續有來~~

敬輝農場賀老公舊曆生日

 

山長水遠去元朗，目的係食農家菜，
目的係食新鮮雞，目的係一家親子旅行^^

一入到農場門口，已經見到一隻山羊



餵山羊係免費的，
成籃草及菜任澄豬餵（佢地餵足１／３籃～～^^)

塘虱池的塘虱大到都幾得人驚：Ｐ

 

仲有好多如烏龜，陸龜，錦鯉魚，狗等等～～
另外亦有好多有機植物，
呢度的荷花池真係好靚～～

今日天氣好炎熱，但坐喺呢度食野，
有天然涼風，真係好舒服

仲要對正荷花池食野～～
呢度最出名的係咸雞及鹽燒烏頭

食飽飽又餵下魚～～

好寫意的一個下午～～

Emily at 05/24/2013 09:40 am comment

好寫意喎!呢喥係咪私人農場吖?

傑思SEASA at 05/24/2013 04:40 pm reply

唔係私人農場呀~~任何人都可以去

2013年5月亞公生日飯局

 

子澄學恒常課程，
今日開始跟團隊啦～～
要學個半小時；
咁長時間可以帶暟澄去公園玩下～～



之後回家午睡一陣，
又出發去食亞公生日飯局啦～～
又見到好多好好的朋友^^

今個月係澄爸及子澄的生日飯局~~

睇下兩個女幾SWEET^^

一家人合照

大合照又唻啦^^

2013母親節~~

 

個個都話, 母親節當然唔駛亞媽煮飯啦~~出街食啦云云,
我家不用煮飯, 我媽要開工教水,
仲有一個亞媽要理啊~~澄太婆~~
因為亞姨搬屋, 擔心婆婆沒人照顧晚飯,
決定三母女回娘家煮晩飯比澄太婆食^^

在車上玩下小玩意~~
70後, 80後的你記得曾玩過嗎:P



澄豬瞓醒午覺, 負責整免治豬肉蒸蛋

因澄太婆抱病, 又少食了很多,
澄媽預備的餸菜都係簡單有營養的,
而且澄豬仲表演唱歌及跳舞,
這個母親節有豐富的娛樂及節目呢^^

婆婆, 母親節快樂^^

Emily at 05/24/2013 09:45 am comment

因為您係廿四孝媽咪&囡囉~

CHELSEA@CHELSA'S BIRTHDAY PARTY 2013

 

這天，亦是子澄的舊曆生日～～
我一早去左荃灣，就係為左拎個HOME MADE 的3D蛋糕@@

所以我早左到場^^

兩位蝴蝶仙子都到左啦~~



朋友續一到場映相留念

 

仲有家長專登預備紋身比佢地玩~~

 

 

 

 

 

 

 

 

 

 

 

 

呢度起碼80人，但鄒老豆話我請得唔夠多人喎＠＠

 

 

 

 

 

 

 

 

 

 

 

 

 

 

 

 

 

 

 

 

 

 

小朋友再比下邊個靚Ｄ：Ｐ

 

 

 

 

 

 

 

 

預備切蛋糕啦～～

 

暟澄好似小明星咁:P

 

 

 

 

 

 

 

 

今次生日會, 我覺得係搞得好成功架喎:P
大人細路都玩得好開心~~

 

 

 

夜晚仲同媽咪及99慶祝母親節呢^^

 

真係超多生日禮物, 多謝哂大家賞面呢^^

 

 

Emily at 05/13/2013 02:37 pm comment

澄B個生日會好熱鬧喎! 兩姊妹一齊開生日會真係開心喇!

傑思SEASA at 05/13/2013 03:18 pm reply

如果分開搞一定無咁熱鬧及開心~~既然生日咁近咪一齊搞囉^^ 下年未必搞啦, M記搞個生日會都成幾千蚊@@ 仲要係算平架啦:P