學校旅行~上水假日農場

已經係N次去上水假日農場，

不過今朝到步，我見到前所未有的多人！！

起碼有３－４間幼稚園，

八成講國語。。。。

唉。。。連農場都搞成咁。。。。

我同老師講聲唔跟大隊，

直衝去小食部買蘿蔔條餵白兔，

要知道，一陣人多餵食時，白兔被餵飽後就唔會食架啦

突然下起大雨，仲要係黃色暴雨警告。。。

澄婆婆醒目霸定位，否則午膳時間無位食野！

我就無無聊聊JOIN左COURSE 整稻草人...

幸運地，濟濟一堂食飽飯後，

雨過又天晴，

亦有一批學校離開～～

YEAH~~遊戲時間到囉~~

仲有士多啤利摘，正！！

要天晴先會開放的刺激遊戲

 佢地睇到咩咁興奮呢？？

就係呢個，佢地形容係長頸鹿的玩意

最後大家都盡興而回，

為幼稚園生活的旅行劃上完美句號

今晚亦係地球熄燈一小時，

澄媽當然會响應～～

仲帶SEASA去海旁感受一下寧靜漆黑的維港

回到家，子澄建議玩影子戲～～

最平凡又有幻想空間的玩意呢^^

連周記都繪畫今日的農場情景呢^^

學校旅行-動植物公園+同學鄰居家裡玩

暟澄期待已久的動植物公園參觀終於到啦!

由星期一就問, 點解今日未睇馬騮既??

星期四先去?? 係咪即係聽日星期二, 跟住星期三, 跟住星期四先去呀??

係呀!!傻婆^^

暟澄見到馬騮啦～～勁開心

今次係純老師帶學生參觀，

真係要鳴謝義工家長映咁多靚相分享～～

仲可以同同學分享小食～～

暟澄食得好滋味

住喺紅磡咁多年，

街坊都熟了～～

而且總有個同學仔住附近，

真係好有親切感～～

今晚柏寧同學又邀請兩女去屋企玩～～

仲有柏寧媽咪講故事時間，

暟澄聽得好投入（大家都換哂睡衣了～～）

呢兩個姐姐就好專心睇故事書

柏寧係班數一數二英文了得的女同學，

佢地的世界充滿字母的興趣呢^^

腐化食物展及真正落廚啦！！

星期日一朝就約左太爺，太麻及二姑婆飲茶～～

當然啦，親子家庭日麻～～

恒常學劍時間未到，

帶左兩個女去k-11 睇一個食物腐化攝影展

呢個展覽想去好耐，

可以教兩個女藝術欣賞之餘亦可學習愛惜食物

見到其他藝術品，佢地又會問下藝術概念係咩同埋映下相

要上堂啦～～

見到呢Ｄ互相合作的可愛情景，

真係唔可以唔影佢相^^

兩個女都好比心機練習

夜晚兩個女都話唔攰，

所以今日安排兩個女一齊買餸，

一齊諗煮咩野食～～

以後再一切預備材料～～

最後。。。仲堅落手炒餸^^

分開兩個女煮的餸:

先教安全守則：點落油，點控制火喉，點為之靚的炒蛋技巧；

再教煮粟米火腿炒薯仔～～

好好味又食哂全部食物的一餐^^

兩個女又再充滿滿足的表情呢^^

香港戒毒會賣旗日

今日出發去賣旗，

兩位小姐早一晚已預採排點去賣旗，

今朝一早就戰戰兢兢咁出發了

這是第二次賣旗的經驗，

所以澄媽只係遠觀佢地賣旗，沒有再在旁協助

一個負責貼旗，一個負責拎旗袋，

又要搵目標，真係各有各忙

通常都係子澄主動出擊，

暟澄又亞夢上身HAHA

但都會好合拍做善事既!

暟澄好滿足又開心成袋都係硬幣

遇到好朋友當然要一齊行善啦~~

樂觀行善的小朋友笑容係最燦爛的

要交旗袋啦~~

又預到其他同學仔

交完旗袋，每人都有一張證書

排排企映張相先！！

真係辛苦左一朝架！

喺賣旗的活動上，小朋友可以學識好多野：

學識主動，面對陌生人，接納被拒絕的心情，

沒有不勞而獲，說話技巧，以禮待人等等！

最重要係，小朋友多了一份事命感！

覺得自己幫到人，做事更積極呢^^

完成賣旗活動，順路同好友去紅磡巿政大樓的遊樂場玩下～～

下午回家，連澄媽都要午後睡一睡囉～～

瞓醒搵澄婆婆食晚飯，

又去到大角咀的巿政大樓的室內遊樂場

這裡比紅磡的還要大很多！

兩個女都玩得勁開心呢